euskal diaspora eta kultura
2015/03/19
Ekitaldia larunbat honetan izango da eta herriko eskola katolikoarentzat dirua biltzea du helburu.
Rupert-eko (Idaho, AEB) Nikolas Deunaren Emakume Katolikoen Elkarteak, beste urte batez, herriko eskola katolikoaren aldeko diru bilketa afaria antolatu du. 57. edizioa hilaren 21ean ospatuko dute, Rupert Elks Lodge eraikinean, ohi legez. Afaria eta enkanteaz gain, zozketa eta kontzertua ere iragarri dute kartelean. Oso ekitaldi arrakastatsua izan ohi da hau, izatez, azken urteotan, 40.000 dolar inguru jaso izan dituzte afari bakoitzean. “Zorte handia dugu ditugun herrikideak izanda, denek lagundu nahi dutelako, ez soilik euskaldun eta katolikoek”, adierazi du Cyndy Berlin-Lantz antolatzaileak, EuskalKultura.com-ekin berba eginez.
2015/03/18
Badator, hemen da Korrika 19 eta Euskal Herriko korrilariak bihar Urepelen ekingo diote euskararen eta AEKren euskaltegien aldeko lasterketari. Martxoaren 29a bitartean zazpi probintziak alderik alde zeharkatuko ditu lasterketak, gauez eta egunez, gelditu barik. Diasporan, aldiz, hasiak dira dagoeneko ekimen honen aldeko ekitaldiak eta datozen egunetan ere egingo dira makinatxo bat jarduera. Jarraian Diasporako Korrikak eman dituen argazkien bilduma eta datorrenaren berri.
2015/03/18
Joan den igandean eman zuen Brooklyn-go Our Lady of Refuge elizan emanaldia organo jotzaile oriotarrak. Bertako laurogei urteko organoaren konponketak ospatzeko –eta, bide batez, diruz laguntzeko− bederatzi kontzertuetako azken aurrekoa izan zen berea eta “esperientzia izugarria” izan zela adierazi dio EuskalKultura.com-i. “Etxean bezala sentiarazi naute, beteta zegoen eliza eta itzultzeko eskatu didate. Oso pozik nago”, esan du.
2015/03/18
Valparaisoko Eusko Etxeak Euskal Herritik etorritako ordezkaritza baten bisita izan zuen joan den astean. Bisitaren buru Marian Elorza, Jaurlaritzako Kanpo Harremanetarako idazkari nagusia, eta berarekin ziren baita ere Leire Madariaga, Kanpo Harremanetarako zuzendaria, eta Rafael Kutz, Euskadiren ordezkaria Txilen. Bisitariek elkartearen egoitza bisitatu eta bertako jardunen berri jaso zuten. Hori guztia Valparaisoko lehenengo euskal elkartea sortu zeneko mendeurrenaren atarian.
2015/03/17
Caracaseko Eusko Etxea elkarteak Bilkura Orokorra egin zuen iragan larunbatean, martxoaren 14an, eta bertan zuzendaritza batzorde berria aukeratu zuten bazkideek. Talde bakarra aurkeztu zen eta horixe onartu zuten ia aho batez bertara bildutakoek. Honakoek osatzen dute zuzendaritza berria: Izaskun Azpiritxaga, Oyane Arregui, Kattalin Alaba, Maialen Azpiritxaga, Unai Azpiritxaga eta Xabier Landa. Zorionak eta zorte on!
2015/03/17
Ostegun honetan bertan abiatuko da Korrika 19 Urepelen, eta martxoaren 29a arte Euskal Herria zeharkatuko du euskararen aldeko mezuarekin. Hori dela-eta, PuntuEUS domeinuak ere bat egin nahi izan du Korrikarekin eta eskaintza berezia plazaratu du: martxoaren 19tik 31 bitartean .EUS domeinua oso prezio onean, orain arteko prezioari beherapen nabaria eginez eskainiko du: 29,95 eurotan. Orain arte eskuratu ez baduzu, aukera ederra orain daukazuna!
2015/03/17
75 lagunentzako lau motatako pintxoak prestatu zituzten etxeko chefek eta arrakasta handia izan zuten. Orain, urteko bigarren elkarretaratzea ari dira antolatzen Gure Ametza-ko kideak, apirilean egiteko, etxeko 2015eko ikastaroen hasierarekin batera.
2015/03/16
Euskal kulturak lekua berezia izan du martxo hasieran Washington DCko Kennedy Center kulturgune ezagun eta erreferentzialean. Hasier Etxeberria euskal idazle, errealizadore eta kazetariak hitzaldiak eskaini zituen martxoaren 7an eta 8an, bertako Iberian Suite: global arts remix festival jaialdiaren barruan, euskal sukaldaritzari buruzko film bi aurkezteaz gain. Culinary & Film atalean izan zen, Etxepare Euskal Institutua bitartekari,
2015/03/16
Musikari bakiotarraren bisita maiatzaren 28an hasi eta ekainaren 15era arte luzatuko da, eta biraren egitaraua datozen egunotan osatuko dute antolatzaileek euskal etxeetatik jasotzen ari diren gonbiteak finkatzearekin batera. Norberaren herrian kontzertua antolatu ahal izateko, ezinbestekoa da hodi organo bat daukan kapera edo areto bat izatea. Hori bada zure elkartearen kasua, jarri harremanetan artikuluan adierazten dugun helbidearekin.
2015/03/16
Uztailaren 29an da jokatzekoa euskal talde bat partaide izango duen Basque Soccer Friendly delako futbol lagunartekoa. Euskal taldearen aurkaria, baina, mexikarra izango da, AEBetako MLS Futbol Profesional Ligak egun berean ospatuko baitu urteroko All Star Game ezaguna. “Horregatik erabaki dugu aurkaria Liga MX-eko talde bat izatea, partidak ahalik eta maila altuena izan dezan”, adierazi dio Argia Beristain bozemaileak EuskalKultura.com-i. Apirilaren hasieran plazaratuko dira parte hartuko duten bi futbol taldeen izenak.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
