euskal diaspora eta kultura
2010/07/08
Uda da Europan, eta uda sasoina izan ohi da, izan ere, mundu guztiko folklore taldeak euren lanaren emaitzak nazioarteko irteeretan, bateko eta besteko jaialdi eta elkarretaratzetan aurkezteko gehien baliatzen duten urtaroa. Gauza, norberarena erakutsiz, besteena ikusi eta ezagutzak aberastea da, lagun eta adiskide berriak eginez beste leku batzuetan ere bertako folklore eta moldeak lantzen dituzten lagunen artean. Adibide soil bat baino ez da, baina Donostian izan den Lauarin nazioarteko folklore jaialdian Irlanda eta Turkiako taldeak izan dira asteburu batez eurena eskaintzen; Antigua auzo donostiarrean zehar ibili ziren, frontoian, kaleetan barrena egindako desfiletan eta auzoko plazan egin zituzten erakustaldiak, bertako taldeak anfitrioi.
2010/07/07
Munduan zehar ezaguna da oso San Fermin Jaia. Euskal Herrian ospatzen diren festen artean ospe handiena lortu duena da hau. Agian Ernest Hemingway-ek idatzitako artikulu eta nobelagatik. Edo agian, hamar egun irauten duen jai honen alaitasunak mota askotako sentimenduak pizten dituelako urtero arima guztietan, euskaldunenean eta baita euskal jatorririk ez duten lagunen artean ere. Hori dela eta, Nafarroako bihotzetik 'Gora San Fermin!' oihu tradizionalaren oihartzuna entzungo da aste honetan herrialde askotan, asteburuan gehienbat. Ingalaterratik, Australia eta Argentinaraino, Diasporako herriak euren sanfermin ospakizunak joango dira gauzatzen: bazkari, dantzaldiak, topaketak eta kasu batzuetan 'entzierroak' gauzatuko dira gorriz eta zuriz jantziko diren nafar eta euskal etxeetan. Hona hemen festa batzuen programa.
2010/07/07
Sei urte pasa dira hasi zenetik, eta 2004an abian jarritako 'Hator Hona' programaren deialdiak ohiko arrakasta handia izan du aurten ere Euskal Herriko gazteen artean. Izan ere, Euskal Herriko zazpi gazte hautatu dira Necocheako Euzko Etxeak luzatutproposatutako ekimenean parte har dezaten. Gazteak uztailaren 18an helduko dira Argentinara eta neguko opor argentinarrak baliatuz (Europako udakoak), euskal kulturaren hainbat arlotako espresioak landuko dituzte Necocheako euskal etxeko kideekin, tartean, dantza, kirola, musika eta euskara.
2010/07/07
Joan den ekainaren 26an eginiko Urteko Biltzar Nagusian estatutuen araberako hauteskundea egiteari ekin zion Argentinako Buenos Aires probintziako Azul herriko Gure Txokoa Euskal Etxeak. Bertan erabakitakoari jarraiki, Zuzendaritza Batzorde berriak Silvia Iceta Echarri izango du berriz ere lehendakari eta harekin batera arituko dira, besteak beste, aipatu gobernu-batzorde horretan: Eduardo Recalde lehendakariorde; José María Iceta Daireaux, idazkari; Sonia Latasa, diruzain; eta Evelia Bianchi Etchegoyen, diruzainorde.
2010/07/07
"Sasoi batean 'Home of basques' zen Jordan Valley, euskaldunen etxe, euskaldun mordoxka zegoen-eta bertan. Haien aztarnak agerikoak dira kaleen izenetan, edo garai bateko eraikinetan. Eta hantxe da bisitaria euskaraz hartzen duen Eugenie Acordagoitia." Honela hasten du Berria egunkarian Miel Anjel Elustondok, Estatu Batuetan, Idaho eta Oregoneko mugan, basamortuek inguratuta dagoen Jordan Valley herrian bertako emakume batekin, Eugenie Acordagoitiarekin izan duen solasaldia. Hona lekukotasuna, Elustondok Berrian argitara eman bezala.
2010/07/06
Euskal Herriko antzinako ohiturari jarraiki, munduko hainbat euskal etxetan San Juan Gaua suarekin lotutako ekitaldiak egin dira azken egunotan. Udako solstizioa (neguko solstizioa hego hemisferioan) eta udari (neguari) ongi etorria egiten dion jai honetan eguzkiaren boterea eta suaren indar garbitzailea gurtzen dira. Hori dela eta, gau magiko hori ospatu duten euskal etxeetan sua piztu eta panpinak erre ziren, izpiritu gaiztoak aldendu eta denboraldi oparo bati ekiteko asmoarekin. Necochea, Chivilcoy eta Buenos Airesko hiru adibide argentinar ekarri ditugu lerrootara.
2010/07/06
Madrilgo Euskal Etxeko ikasleek ikasturte bukaerako festa egin berri dute ekainaren 26an. Kurtso amaierako hitzordua, ekitaldi hunkigarri bilakatu zen, ordea, euskal etxe madrildarreko orain arteko euskara eskolen koordinatzaile eta irakasle izan den Ane Bastidari agur esateko festa bihurtu baitzen, eskolemaile lan hauetatik atseden labur bat hartzea erabaki baitu. Ikasleek euren estimua adierazi eta euskal etxeko gainerako lagunekin batera errekonozimendu txiki bat eskaini zioten, opari bat emanez eta berehala itzul dadin galdeginez.
2010/07/05
2010/07/05
Bartzelonako Euskal Etxetik adierazten zaigunez, joan den ostageunean egin zen bazkideen ez ohiko batzarraren ondoren Zuzendaritza Batzorde berria hautatu zuten Kataluniako hiriburuko euskal etxeko bazkideek. Aitor Arruti eta Jon Elordik Euskal Etxearen zuzendaritzaren buru egondako 6 urteen balantzea egin zuten, "hasieran ezarritako helburuak bete" eta "kultur eskaintza oparo bat lortu" izana azpimarratuz. Betetako helburuen artean ondokoak azpimarratu zituzten: "Euskal Etxearen irekitzea eta eredu anitzago batera hurbiltzea" eta "hiriko eta herrialdeko euskal kulturaren erreferente bihurtzea", dio euskal elkarteak kaleratutako oharrak.
2010/07/05
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
