euskalkultura.eus

Buenos Aires, Argentina. Buenos Aires Hiriko Gobernuko Kultura Azpibatzordeak gonbidaturik, Elvira Kortajarena Euskadiren Argentina, Brasil, Paraguai eta Uruguaiko Ordezkaria presente egon da Marta Minujin-en 'Buenos Airesko liburu Babel Dorrea' proiektuaren aurkezpenean. Minujin-en eskultura, 2011ko Liburuaren Munduko Hiriburu izendatua izan Buenos Airesko ekitaldien inaugurazioan ikusi ahal izango da, maiatzaren 7an.

24 metroko luzera izango du 'Buenos Airesko liburu Babel Dorre' honek eta 50 herrialdetako 20 mila libururekin eraikiko da. Hizkuntza eta genero askotako liburuak bihurtuko dira eskulturaren oinarri, tartean nobelak, ipuinak, olerkia eta hiztegiak, besteak beste. Liburuak herritarrek eta herrialde eta kultura eta hizkuntza horietako ordezkariek emango dituzte dohaintzan.

['Buenos Airesko liburu Babel Dorrea' proiektuaren maketa (argazkia Irekia)]

Eskulturaren erakustaldiak hiru aste iraungo ditu eta antolatzaileen arabera, 50 mila lagunek bisitatuko dute. Ekintza bukatuta, Buenos Airesko Lehenengo Liburutegi Eleaniztunera bilduko dira liburuak.

Euskararen presentzia segurtatu eta euskaldunen partaidetza bultzatzeko, Euskadiren Argentinako Ordezkaritzak Argentinako euskal erakundeetara jo du instituzioen artean euskarazko liburu multzo bat eskaini ahal izateko. Parte hartu nahi duten euskal etxeek materiala bidali ahal dute. Ordezkaritzak berak hartuko ditu bere gain bidaltze-gastuak, gehienez 10 ale euskal etxe bakoitzeko.