Ekitaldi ofiziala Concello de Melideko Osoko Bilkuren Aretoan izan zen. Santurtziko alkateak bisita-liburuan sinatu zuen eta, Jose Manuel Perez alkate melidarrarekin batera, bi udalerrien arteko senidetzea aitortzen duen dokumentua sinatu zuen.
Ospakizunak San Rokeren kantoian jarraitu zuen. Hantxe, Zugaitza Dantza Taldeak eta Galiziako gaita musikariek emanaldi sinbolikoa eskaini zuten ongi etorria emateko. Gero, Kongresuen Jauregira abiatu ziren euskal eta galiziar erraldoi eta buru handien arteko ikuskizun batez gozatzeko.
Bisita instituzionalean bazkari instituzional bat egin zen, eta horrez gain, arratsaldean Casa da Culturan emanaldi bat izan zen, Zugaitza Taldea eta Herba Grileira galiziar taldearen eskutik.
Senidetze ekitaldiei igandean eman zitzaien amaiera "Embaixador do Melindre 2025" sariak emanez. Santurtziko Galiziako Etxea eta Karmele Tubilla alkatea bera izan ziren saria jaso zutenak, Melide eta Santurtziren arteko kultura eta gizarte loturak sustatzeko egin duten lana aitortu nahi izan baitzaie.
Lagun bati bidali
Komentarioa gehitu
