Caracas, Venezuela. Venezuelako euskal komunitatearen efemeride berezia joan den astelehenean, Mari Cruz Diez Lazcano elorriotarrak 103 urte bete baitzituen, gehienak Venezuelan bertan emanak. 1917an Elorrion (Bizkaia) jaioa, Felipe Diez eta Maria Fernanda Lazkanoren alaba, gerra zibila eta Durangoko bonbardaketak pasa zituen. Donostian bizi izan zen, eta bertan ezkondu zen Vicente Alberro Echeverria bermeotarrarekin, eta bertan jaio ziren bere lehenengo bi semeak, Fernando eta Pedro.
Arrazoi politiko eta ekonomikoengatik familiak Venezuelara emigratu zuen, eta hirugarren semea, Antonio, bertan jaioko zen.
Diaz-Lazcanotarrak Caracaseko Eusko Etxean eta euskal-venezuelar komunitatean integratu eta elkartearen ekimenetan partaide hazi ziren, Eusko Etxea, Venezuelan errotutako Euskal Herri edo Euzkadi txiki bat baitzen eta ugari ziren bertan engaiamendu handiz Euskadiko euskaldunei laguntzeko eta Erbesteko Eusko Jaurlaritzaren sostenguz antolatutakoak, Mari Cruzen familiatik laburbildu digutenez.
Ilusioz, alegrantziaz eta kontent honelako amuma/amatxi/amona alai eta bizia izateagatik ospatu zuen familiak eguna. Zorionak, Mari Cruz! Besarkada handi-handi bat!
Lagun bati bidali
Komentarioa gehitu
