euskalkultura.eus

euskal diaspora eta kultura

Albisteak rss

Triki-poteoa Buenos Airesen Euskaltzaleak-en 2020ko saioei ekiteko: urtean zehar zinema, sukaldaritza, kantua, dantza…

2020/02/19

Euskaltzaleak-ek antolatutako 9. Triki-poteoa otsailaren 9an izango da
Euskaltzaleak-ek antolatutako 9. Triki-poteoa otsailaren 9an izango da

PUBLIZITATEA

Buenos Aires, Argentina. Euskara irakatsi eta zabaltzea du helburu nagusi Buenos Airesko Euskaltegiak eta irmo eusten dio asmo horri, Argentinako ikurra den Obeliskotik hurbil-hurbil daukan egoitzan. Eta bertatik aterako da 9. Triki-poteoa, otsailaren 29an, larunbata, San Telmo auzo famatuko kaleetan murgiltzeko. Hitzordua arratsaldeko 7:30etan da, Bernardo de Irigoyen kaleko 826an eta Euskaltegian hartuko dute lehenengo potea. Trikitixa Irati Lezamaren ardura izango da, etxeko musikariak eta dantzariak lagun.

Euskara eskolen lagun den ekintza egitarauaren hurrengo urratsean, Triki-poteoaren ostean euskal zinema etorriko da eta martxoaren 6an Euskaltegiak Carlos Gabilondoren Euskal Zinema Ibiltariari irekiko dizkio ateak; proiektu honen 10. urteurrenean, 10 film proiektatuko ditu Gabilondok 2020an Euskaltzaleak-en, bana hilabetero. Lehenengo saioan, emakumeak omentzen dituzten laburmetraia eta pelikula estreinatuko ditu, Martxoaren 8ari begira.

Proposamen berrien artean, Pintxo Tailerra ere eskainiko du Euskaltzaleak-ek. Lehenengo topaketa martxoaren 12an izango da, osteguna, eta parte hartu nahi dutenek euskaltzaleak@yahoo.com.ar helbidera idatzi eta izena eman beharko dute. Urteko ohiko ekimenen ordutegia  –euskara klaseak, dantzak, abesbatzaren entseguak– oraindik ez dago finkatuta baina izan bezain laster jakinaraziko dute.

Informazio gehiago, euren Facebook kontuan.



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

  • Alboradak
    Juanmi
    Antzuola, Gipuzkoa
    2020/03/29
  • Aritz zarauztarra
    Miren Edurne
    Mexiko Hiria, Mexiko
    2020/03/27
  • Lehenbailehen
    Marta Fernandez
    Mexiko Hiria, Mexiko
    2020/03/19
  • Pena
    Pedro Irigoien
    San Frantzisko
    2020/03/13
  • Gogoan Bego
    Juan Mari Aranburu
    Donostia-San Sebastian
    2020/02/20

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia