Rosario, Argentina. Otsail amaieran aurkeztu zuen Itziar Aguirre chefak (ikus hemen) ‘Trainera Cocina Vasca’ bere proiektu berria. Une hartan inork ez zuen Argentinan imajinatzen oso denbora laburrean munduan zehar zabaltzen ari zen Koronabirusak hemen ere izango zuela eragina. Otsailetik hona asko aldatu dira gure bizitza eta ohiturak. Baina sukaldari euskal argentinarrak bere ‘Trainera’ uretara jaurti eta estreinatzeko gogoa ez da batere aldatu.
Izan ere abian da dagoeneko ‘Trainera en Tu casa’ bertsioa, eta bezeroek Euskal Herriko plater tipikoenak etxeratzeko eska dezakete, eta etxean gozatu, konfinamendua hautsi gabe. Astero Facebook-en eta Instagram-en jarriko dituzte asteko menua eta ardoen karta eta aukeren artean Aguirreren ‘plater klasiko izarrak’ egongo dira, tartean patata tortilla, bakailaoa bizkaitar erara eta piperrada, batzuk aipatzearren.
[Itziar Aguirre xehetasunen berri ematen]
‘Trainera en Tu casa’ Rosarion dago erabilgarri eta eskaerak whatsapp-ez egin daitezke 341 688 0752 zenbakira deituz ostegunetik iganderaino, arratsaldeko 7ak arte. Banaketa gaueko 8etatik 10etara egingo da.
Lagun bati bidali
Komentarioa gehitu
