Homedale, AEB. "Urtero Txoko Onaren karrokanpoek parte hartzen dute Owyhee Konderriko Azoka eta Rodeoko Kabalkadan (Owyhee County Fair and Rodeo-ko desfilean), Idahon, baina aurten Txoko Ona Euskal Etxeak gonbidatu nahi zaitu, zu eta zure familia ere partaide izan zaitezen. Ardikanpoaren inguruan oinez joan zaitezke, esaterako ikurrina eskuetan eramanez, euskal musika joz edo, jakina, ikusleei goxokiak jaurtiz", hauxe da Homedaleko Euskal Etxeak proposatzen duena Abuztuaren 11erako.
Zergatik ez animatu ea bertako euskaldunekin bat egin?
Idahoko Homedalera etorri eta bertan plan hau egin nahi dutenek, email honetara idatz dezakete (lejardi@frontiernet.net) eta bertan adierazi zenbat jende diren eta nola parte hartu nahi duten, modu normalean oinez karrikanpoaren ondoan, edo musikarik ekar dezaketen, dantzari jantziz etor daitezkeen edo bestelako euskal ezaugarriz. Txoko Onaren elastiko bat oparituko zaio partaide bakoitzari eta baita voucher bat ere, txorizo batengatik trukagarria Azokako euskal stand-ean.
Dantzariak euren dantzari jantzietan etortzen badira, ongi baino hobeto.
Kabalkadan ordu erditik ordubeterako iraupena izan ohi du. Animatu!
Lagun bati bidali
Komentarioa gehitu
