Montevideo, Uruguai. Abenduaren 8an Uruguaiko hiriburuko Haize Hegoak 4 eta 16 urte arteko txiki eta gazteei zuzendutako lehiaketa egin zuen Gabonetako bere postala hautatzeko. Ekimena hasteko, Maite Bengoa lehendakariak “Cuatro hermanos huérfanos”, “Tronco de navidad” eta “Olentzero” ipuinak irakurri zituen eta entzundakoa abiapuntu hartuta postal mordoa margotu zuten neska-mutilek, antolatzaileek utzitako kartulina berezietan.
Euskal Etxetik azaldu digutenez, “Lehiaketa guztietan bezala, sariak eman genizkien ahalegindu eta lan azpimarragarriak aurkeztu zituzten txiki eta gazteei, beti ere adinaren arabera sailkatuta. Aitortu behar dugu ordea oso zaila izan zaiola epaimahaiari lan bat aukeratzea, margo guztiak oso oso onak zirelako”.
Zaila izan arren, Euskal Etxeak hautatu zuen irudi bat bere postala izateko eta irudi hori hasia da dagoeneko bidaiatzen Montevideotik mundura elkarteko lagunak "Gabon zoriontsuak eta Urte Berri on" opatzeko. Postalarekin batera, Olentzero doa, opari eta ikatza poltsetan.
Lagun bati bidali
Komentarioa gehitu
