euskalkultura.eus

Santiago de Compostela, Galizia. Uztailaren 8an Santiagoko Ramón Piñeiro guneak mundu osoko berrogei aditutik gora hartu zituen “Immigrazioa/Emigrazioa eta identitatea haur eta gazte literaturan. XXI Mendea” mintegian. Bertan parte hartu zuten, besteak beste, Xavier Etxanizek, Mikel Ayerbek eta Mari Jose Olaziregi Etxepare Institutuko Euskararen Sustapen eta Hedapenerako zuzendariak.

Hurrengo egunean, “Las Literaturas Infantiles y Juveniles en el Marco Ibérico e Iberoamericano” ikastaroa egin zen. Aurtengoan, gai nagusia literatur sariak izan ziren. Gonbidatuen artean izan zen Mariasun Landa, Haur eta Gazte Literaturako Sari Nazionala, eta Maite Carranza eta Rita Taborda idazleekin mahai inguru batean gai honi buruz mintzatu zen. EHUko Euskararen Arloko Errektoreordea, Xabier Etxaniz, bertan izan zen euskal literatura sarien gainean aritzeko. Ekitaldiok Etxepare Institutuaren babesa izan zuten.