Madril, Espainia. Madrilgo euskal diasporako partaide da Karlos Cid Abasolo, eta honen alboko berri batean joan den abenduan plazaratu zuen Laztanak eta Aizkorak bere bigarren poesia-liburuaren berri ematen dugu. Aurrenekotik, ordea, Keinu konplizeaketik (Susa, 2018) poema bat bereizi eta ekarri nahi izan dugu hona, euskal diasporari dedikatuta baitago, 'Biba gu' izenpean.
Hauxe Cid Abasolok Keinu Konplizeak liburuan euskal diasporari eskaintzen dion poema:
Biba gu
Trikitia inportatzeko enpresa bat
erosi du
Floridako inbertsio funts batek.
San Frantziskoko Etcheberry alkateak
Golden Gaten
aurreskua du dantzatu.
Central Parken
Gernikeiko Arboularen
kimu bat
landatu dute.
Chicago Bullseko zaleek
taloa txorizoarekin
irensten dute
United Centerren.
Rockero hilezkorrak
ehun mila ikusleren aurrean
jo du txistua
Born in the Basque Country
abesteaz batera.
Renon eraiki dute
Etxe Zuri berria
Lemoatik ekarritako porlanez.
Berrogeita hamar lauburuk
ordezkatu dituzte
beste hainbeste izar.
Biba gu.
Lagun bati bidali
Komentarioa gehitu
