Kafkaren "Metamorfosia" irakurriko dute bihar Arriaga Antzokian, euskal etxeen partehartzearekin

Bilbo Zaharra euskaltegiak urtero antolatzen duen Klasikoen Irakurketa Jarraituak Franz Kafka idazlearen "Metamorfosia" lana aukeratu du aurten. Eleberri honek mendeurrena betetzen duela aitzaki hartuta, ekitaldiak itzulpenaren garrantzia eta balioa aldarrikatuko ditu. Ohi bezala, euskal etxeetako euskara ikasleek ere parte hartuko dute ekitaldian, aldez aurretik grabatutako bideoekin.

Bilbo, Bizkaia. Diasporak ere bere lekua izango du bihar Arriaga Antzokiko taulagainean, Klasikoen IX. Irakurketa Jarraituan. Urtero legez, euskal etxeek parte hartuko dute Bilbo Zaharra euskaltegiak antolatzen duten ekitaldi honetan, HABEren Euskara Munduan programaren bitartez. Azken hilabeteotan munduko 28 euskal elkartetan lanpetuta ibili dira irakurketako pasarteen bideoak grabatzen.

Bihar, Arrriagan ikusi ahalko dira bideo horiek, bertatik igaroko diren ehundaka irakurleen artean tartekaturik. Hauek dira aurtengo irakurraldian parte hartuko duten euskal etxeak:

PARTEHARTZAILEA	Pasartea
"Gure Txoko" Euskal Etxea, Valladolid		3
Laminiturri Euskal Etxea		3
Euskal-Etxea-Hogar Vasco de Madrid		10
Associació Euskaltzaleok		14
Centre Cultural Euskal Etxea		20
F.E.V.A. - Federación de Entidades Vasco Argentinas (Mendoza)		20
Associazione Culturale Euskara – Erromako Euskal Etxea		22
Euskaldunak Association des Basques du Quebec		22
LEIPZIG		33
Eusko-Brasildar Etxea - Casa Vasco Brasileira		33
Eskualdunen Biltzarra, Bordele		34
F.E.V.A. - Federación de Entidades Vasco Argentinas (Villa María)		34
Pariseko Eskual Etxea - La Maison Basque de Paris		37
Gernika Deutsch-Baskischer Kulturvererein e.v., Berlin		41
Euskaletxea de Lima		43
Colectividad Vasca de Chile		43
F.E.V.A. - Federación de Entidades Vasco Argentinas (Euskal Echea Ikastetxea)		43
Gure Mendietakoak Euskal Etxea, Antioquia		44
Eusko Etxea Casa Vasca de Valparaiso		44
Asociación Vasco-Navarra de Beneficencia _ Euskal Etxea de La Habana		47
Euzko Etxea-Casa Vasca de Chile		47
F.I.V.U. - Federación de Instituciones Vascas de Uruguay		51
Centro Vasco de Mexico A.C.		51
Euskal Etxea "Artea", Mallorca		54
Centro Vasco-Navarro Laurak Bat de Valencia		54
N.A.B.O., AEB		57
Gure Txoko Basque Club Inc., Sydney		59
Yoshida Hiromi, Tokyo		59

"Metamorfosiak" 100 urte

Aurten 100 urte bete dira Kafkak “Metamorfosia” idatzi zuela, eta Klasikoen Irakurketak mendeurren hori gogoan hartu nahi izan d, itzulpenaren garrantzia eta balioa aldarrikatzeko. Ekitaldian Anton Garikanoren itzulpena irakurriko da, eta laurehun bat irakurlek parte hartuko dute.

Aurreko urteetan honako lanak irakurri ziren: Axularren Gero, Mogelen Peru Abarca, Jon Miranderen Haur besoetakoa, Saizarbitoriaren Hamaika pauso, Arantxa Urretabizkaiaren Zergatik panpox, Bernardo Atxagaren Obabakoak, Gabriel Arestiren Harri eta herri eta ,iaz, Sarrionandiaren Narrazioa Guztiak.

euskalkultura.eus

Albisteak

Kafkaren "Metamorfosia" irakurriko dute bihar Arriaga Antzokian, euskal etxeen partehartzearekin

Irakurrienak

Azken komentarioak