Buenos Aires, Argentina. Iaz orrialde hauetan Serrat-en aipatu genuen kasuan bezala, oraingoan nazioarteko beste kantari bat ari izan da Buenos Airesko Laurak Bat Euskal Etxeko areto nagusian entsaiatzen hiriburuko Colon Antzokian kontzertua eman aurretik. Juanes kantari kolonbiarra --Antioquiako Medellinen jaioa, Juan Esteban Aristizabal du izena, eta euskaraz ere grabatu izan du kantarik, Kepa Junkeraren (besarkada, Kepa!) eskutik-- orkestra lagun, eta hormetako koadro batetik Iparragirreren begiradapean aritu da bertan, Argentinara iritsi berritan.
Entsaioko ikuspegi nagusia, Juanes orkestrarekin Laurak Bat-eko areto nagusian (arg. Hernan Zenteno-La Nación)
Joan den asteburuan izan da hau. Entsaioa Laurak Bat-en eta bere kontzertuaren xehetasunak argentinar hiriburuko La Nación egunkariak bildu ditu Cecilia Martínezen artikulu honetara, Hernan Zentenok sinatzen dituen zenbait argazki ere tarteko, eta horiek baliatu ditugu aipu honetarako.
Lagun bati bidali
Komentarioa gehitu
