euskalkultura.eus

Habana, Kuba. Lotura handia du —segitzen du izaten— Joseba Sarrionandiak Kubako hiriburuarekin. Bertan bizi izan zen 30 urte baino gehiagoko erbestealdian, 2021ean Euskal Herrira itzuli zen arte. Hamarkada horietan, idazle lanean aritzeaz gain, euskal kulturaren erreferente ere bilakatu zen Iurretako idazlea irlan, eta denborarekin, Etxepare Euskal Institutuak Habanako Unibertsitatean Euskara eta Euskal Kultura Irakurletza sortu zuenean, bera izendatu zuen irakasle. Gehienik Euskal Herritik bada ere, hurbiletik segitzen du bertako egoera, eta bere hondar alea ere ipintzen saiatzen da.

Urte asko izan ziren, eta harremana eta partaidetza ezabazinak. Bertako euskal komunitatearekiko loturak atxikitzen ditu, eta 2026ko urte hasiera, urte akademiko hasieran, parte hartu du idazle iurretarrak, otsailaren 19an, egun Habanako Unibertsitateko Euskara eta Euskal Kultura ikasturteko urte berriko lauhilekoaren hastapen honetan, egungo irakurlea den Julen Villarrealek antolatuta, sasoia irekitzeko hitzaldian, berak ongi ezagutzen dituen Euskal Herria eta Kuba lotzen dituzten historia eta istorioak jendaurretuz bere lekukotasuna interesez segitu zuen entzulego  baten aurrean.

Hitzaldiaren aurkezpena Habanako La Bombilla Verde-n (argazkia Katia Noris Oleaga)

Gauzak ez dira errazak Kuban, eta biziki gaiztotu dira aurten. Baina, azaltzen dio EuskalKultura.eus-i Julen Villarreal irakurle nafarrak, "petrolioaren aurkako blokeoak krisialdia areagotu duen arren, hogei ikasle gerturatu ziren Habanan euskal etxe baten funtzioak betetzen dituen La Bombilla Verde ostatura", beti gogoeta eta berba ekarpentsua den Joseba Sarrionandiaren solasaldia entzutera. “Eta ezin interesgarriagoa izan zen, Sarrionandiak euskararen historiari buruz hitz egin zuen, Kuban euskarak eta euskaldunek izandako presentziaren hainbat anekdota partekatuz”.

Gogora dezagun 2015ean sinatu zutela Etxepare Institutuak eta Habanako Unibertsitateak Euskara eta Euskal Kultura Irakurletza abiatzeko hitzarmena, eta berau zerotik hasi zuela orduan bertan bizi zen Joseba Sarrionandiak, geroztik, euskal hizkuntza eta kulturaz ikasteko aukera urtero daukatela ikastetxe nagusi hotrretako ikasleek. Gaur egungo irakurlea den Julen Villarrealek uhartearrak ibilbide nabarmena du hizkuntza gutxituekin lanean, zehazki yuracaré (Bolivia) eta Bedik (Senegal) hizkuntzekin.