euskalkultura.eus

Sao Pauloko Eusko-Brasildar Etxeak aurrera darrai bere jarduerekin eta azken asteotan euskara ikasle talde berri bat gehitu du bere ikastaroetara. Horrez gain, elkartea "Morra.com" izeneko filmaren estrenaldian izan zen, bertan parte hartu duten bazkideei sostengua ematen. Zuzendaria, Valter Lopes, elkarteko kide eta aspaldiko laguna da, eta filmean aritu dira ere Pedro Duarte eta Sonia Ferreira bazkideak.

Sao Paulo, Brasil. Zinemarekin bat egin du berriki Sao Pauloko Eusko Brasildar Etxeak, "Morra.com" filmaren estrainaldian parte hartuz. Elkartea luzemetraiarekin oso lotuta dago; izan ere, zuzendaria, Valter Lopes, euskal etxeko aspaldiko laguna eta kidea da. Lopeseko 30 urteko eskarmentua du Brasilgo telebista munduan.

Luzemetrai independiente hau akzio filma da eta biktimak internet bidez hautatzen dituen hiltzaile baten istorioa dakar.  Hainbat urte behar izan ditu produkzio taldeak proiektu hau burutzeko, auzolanean, aktore eta teknikarien parte hartze eskuzabalerakin. Talde honetako parte izan dira euskal etxeko bi bazkide: Pedro Duarte eta Sonia Ferreira (aktorea eta euskal etxeko zuzendaritza kide). 

Horrez gain, euskal etxeak euskara ikastaroekin darrai eta euskara talde berri bati ongi etorria eman dio. "Honekin, dagoeneko zazpi talde ditugu euskara ikastaroetan", agertu dio EuskalKultura.com-i euskal etxeko presidente Oskar Goitiak.