Dantzari eta buruhandiak eta euskal stand-a Barilocheko 33. Europar-Argentinar Gizataldeen jaialdian

2012/11/27

Azaroaren 3, 4, 10 eta 11an gauzatu zen Barilocheko 33. Europar-Argentinar Kolektibitateen jaialdia. Bertoko Mendiko Euzko Etxeak euskal standa ezarri zuen festan (argazkiaA. A. Sanchez)

PUBLIZITATEA

Lan handia egiten dute Rio Negro probintziako Bariloche hiriko kolektibitateetako ordezkariek jaialdi hau antolatzeko. Ahaleginak, ordea, bere fruituak dakartza eta milaka lagun biltzen dira urtero jaigunean Europar-Argentinar gizataldeen proposamenez gozatzera. Aspaldiko bideari jarraituz, Barilocheko Mendiko Euzko Etxea Euskal Etxeak ondo asko ordezkatzen ditu bertan euskaldunak. Aurten, ohi bezala, standa jarri zuten, plater tipikoak zerbitzatu, dantzak eta musika zabaldu, eta oso erakargarria suertatu zen nobedade bat ere eskaini zuten: Aitor eta Izaro buruhandiak. Bi pertsonaiek txaloak eta publikoaren maitasuna bereganatu zituzten tauletatatik pasatu zirenean. Hona jaiaren argazki laburpena.

Bariloche, Argentina. Azaroaren lehenengo bi asteburuetan ospatu zen Bariloche hirian, Argentinako Patagonian, Europar-Argentinar Kolektibitateen jaialdia. Eguraldi lagun, hamabi gizataldek konpartitu zituzten euren kulturetako alde esanguratsuenak bildutako jendearekin. Euskal gizataldeari dagokionez, partaidetza zabala izan zuen bertoko Mendiko Euzko Etxeak ekitaldiaren antolakuntzan zein garapenean. EuskalKultura.com artikulu honetan Barilocheko 33. Europar-Argentinar Kolektibitateen jaialdiko argazki erreportajea.

Barilocheko 33. Europar-Argentinar Kolektibitateen jaialdia 2012 01

[Jaialdian bildutako lagun askok egin nahi izan zituzten argazkiak Paula Canepa dantzariak sortutako buruhandiekin, batez ere txikienek. Izaro eta Aitor igo ziren eszenatokira eta hortik agurtu zuten publikoa (argazkia A. A. Sanchez) ]

Barilocheko 33. Europar-Argentinar Kolektibitateen jaialdia 2012 02

[Euskal txokoan, eta momentuan eginak, Euskal Herriko plater tipikoak dastatu ahal izan zituzten bisitariek (argazkia A. A. Sanchez)]

Barilocheko 33. Europar-Argentinar Kolektibitateen jaialdia 2012 03

[Agertoki nagusian egin ziren jolasetan ere hartu zuten parte Mendiko Euzko Etxea-ko dantzariek (argazkia A. A. Sanchez)]

[Euskal etxeko neska-mutilek bi emanaldi eskaini zituzten, bata larunbatean, jaialdiaren hasieran, eta bestea igandean, festaren azken orduetan. (argazkia A. A. Sanchez)]

Barilocheko 33. Europar-Argentinar Kolektibitateen jaialdia 2012 04

[Bi taldetan igo ziren euskal etxeko dantzariak tauletara. Helduei dagokienez, ‘Bok Espok’, ‘Arin Arin’ eta ‘Maskarada’ egin zituzten (argazkia A. A. Sanchez)]