euskalkultura.eus

euskal diaspora eta kultura

Albisteak rss

Datorren igandera arte bozka dezakezu 'Manuel Lekuona' 2021 Saria: hautagaien artean badago Diasporakorik

2021/09/29

'Manuel Lekuona' Sarirako bederatzi hautagaiak
'Manuel Lekuona' Sarirako bederatzi hautagaiak

PUBLIZITATEA

Donostia-San Sebastian. Urriaren 3ra arte bozka daitezke Eusko Ikaskuntzaren 'Manuel Lekuona' Saria 2021rako hautagaiak. Aurtengoan, bederatzi dira aurkeztutako hautagaitzak, eta horien artean badira bi zuzenean Diasporarekin edota EuskalKulturarekin harremana daukatenak: Diasporan jaioa eta gaur egun luxuzko kolaboratzaile dugun Arantzazu Ametzaga da bat, eta kolaboratzaile eta elkarrizketatzaile fin izan genuen Elixabete Garmendia bestea, bi profil arras diferente baina biak ekarpen handikoak euskal kulturaren munduari.

Zer esanik ez gainerako hautagaiak ere lan eskerga egindakoak direla. Gogora dezagun Eusko Ikaskuntzak 1983an sortu zuela 'Manuel Lekuona' Saria, "sorkuntza, ikerketa, kultur sustapen edo gizarte garapen alorreko ibilbideak saritzeko". Bozka kontaketa ponderatua du, honela banatuta: Eusko Ikaskuntzako bazkideak, %30; Euskal Komunitate Globala, %10; Epaimahai Instituzionala, %60 (Eusko Ikaskuntzako Lehendakaritza eta entitate erreferenteetako ordezkariek osatutakoa).

Hemen bozka dezakezu.

HAUTAGAIAK

-Sagrario Aleman, hizkuntzalaria, curriculuma
-Arantzazu Ametzaga, Historia, curriculuma
-Gurutzi Arregi, Etnografía / Antropologia, curriculuma
-Joxe Azurmendi, Filosofia, curriculuma
-Jon Bagües, Musikagintza / Artxibogintza, curriculuma
-Xabier Egaña, Artegintza / Margolaritza, curriculuma
-Felix Fernandez de Romarategui, Artea / Ekuador, curriculuma
-Elixabete Garmendia, Kazetaritza, curriculuma
-Enrike Zelaia, Folklorea, curriculuma



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia