Buenos Airesko Euskaltzaleak euskaltegiak euskararen aldeko V. Topaketa egingo du gaur gauez

2011/08/12

Euskaltzaleak-en azken hitzorduetako bat, Laura Nobileren genealogiari buruzko aurkezpena (argazkia EuskalKultura.com)

PUBLIZITATEA

Hiriburu argentinarreko Euskaltzaleak gau-eskola edo euskaltegiak deia luzatu die bere bazkide, lagun eta parte hartu nahi duten guztiei, etor daitezen gaur gaueko 8etatik aurrera egingo duen aurtengo V. Topaketara, esan nahi baita euskara ardatz egingo den ekitaldi berrira, bere egoitzan, Independencia 1722 helbidean. Bildu nahi dutenei jostailuren bat ekartzea eskatzen zaie, Chaco-ko Quitilipi herriko 664. zenbakidun Eskolarekin garatzen ari den lankidetzari eusteko.

Buenos Aires, Argentina. Ohar berean, Euskaltzaleak-ek gogora arazten du hasia duela abuztu hasieran euskara ikastaro berri bat, hastapen mailakoa, astelehen eta asteazken goizetan 10:00etatik 12:00ak arte, abuztutik azaroraino, bi hilabeteok barne.

Helburua da, ikastaro amaieran ikasle gai izan dadin euskaraz galdetzeko eta objetuei buruzko informazioa emateko, eta pertsonak, objektuak eta lekuak deskribitzeko. Matrikularen prezioa 5o peso dira, eta hortik aurrera 60 peso hilabetero. Banatuko diren material inprimatuak barne. Hasteko gutxieneko kopurua, 6 pertsona, gehienezkoa 10. Interesatuek aski dute kontsultak e-mailez hona egitea: euskaltzaleak@yahoo.com.ar.

EUSKALTZALEAK ABESBATZA

Kide berriak onartzen dira. Entsaio edo errepikak ostegunetan elkartearen egoitzan. Euskaraz kantatzen da, Eliseo Rodriguez maisua zuzendari. Gogora arazten da abesbatza 'Buenos Aires celebra' ekimenean arituko dela kantari Argentinako beste hainbat dantza-taldek, euskal etxek eta erakundek bakoitza bere arloari dagokion esparruan arituko den bezalaxe.

Txindoki Tabernak segitzen du, bere aldetik, ostiralero egiten dituen elkarretaratzeekin, Chacabuco eta Mexico kaleen gurutzean, San Telmoko Asanbladaren lokaletan. 19:00etan zinea izan ohi da, solas, hitzaldi eta ezatabaidekin batera, 21:30ak aldean pintxaok, kazuelaren bat eta mahaiburukoren bati ekiteko. Parte hartzekotan, ahal bada aldez aurretik abisatzea eskatzen da, leku-mugak baitaude: txindokitaberna@hotmail.com.

EUSKAL IKASKETEN GRADUONDOKOA

Euskal Herriko Unibertsitateak, Urrutiko Hezkuntza Unibertsitate Nazionalak eta Nafarroako Unibertsitate Publikoak elkarlanean emanik, Eusko Ikaskuntzaren eskutik. Euskal Gaietan espezialdutako jendeak lortzea du helburu.

Dirulaguntzak badaude Diasporatik parte hartu nahi dutenentzat. Ikastaroaren epea: azaroaren 15ean hasiko da eta 2012ko uztailaren 31ean bukatuko. Izen-ematea zabalik urriaren 14era arte. Webgunea, http://jakinet.asmoz.org; emaila; jakinet@asmoz.org.

XEITO NOVO

Xeito Novo elkarte galegoak Hizkuntza Gutxituen IV. Kongresua antolatu du abuztuaren 26 eta 27rako. Euskaltzaleak-ek bi ponentzia aurkeztuko ditu. Xehetasun eghiago: www.xeitonovo.org.ar/ivcircular.pdf.