Buenos Aireseko Iparraldeko Euskal Etxean egin zen Herri Urrats jaiaren argazki erreportaia

2009/05/14

Euskal Herriko lagunek bat egin zuten jaiarekin. Irudian, alkandorarekin, Ramuntxo Camblong, Udalbide/Udalbiltzako zuzendaritza batzordeko kidea (argazkia IEE-CVF)

PUBLIZITATEA

Joan den maiatzaren 10ean Lapurdiko Senpereko lakua Herri Urrats edo Iparraldeko ikastolen jaiaren edizio berri baten gunea izan zen. Bezperan, handik 12.000 kilometrora, Buenos Airesen, euskaltzale argentinar talde mardul bat Iparraldeko Euskal Etxera bildu zen, bertan ere jaia ospatzeko. Argentinarrekin batera Euskal Herriko ordezkaritza bat izan zen bertan: Ramuntxo Camblong lapurtarra, Udalbide/Udalbiltzako zuzendaritza batzordeko kidea, eta Joan Carlos Etxegoien 'Xamar' eta José Ángel Irigaray idazleak, euren azken lanak Buenos Aireseko Liburu Azokan aurkeztu ostean.

Buenos Aires, Argentina. Joan den larunbatean, maiatzaren 9an, Buenos Airesen egin zen Herri Urrats jaiak argentinar hiriburuko euskaltzale talde polita baten parte hartzea izan zuen. Jaia antolatu zuen Iparraldeko Euskal Etxeko kideez gain, Euskaltzaleak elkartekoak ere bertan izan ziren, eta eurekin batera Euskal Herritik heldutako lagunak: Xamar eta José Ángel Irigaray idazleak eta Ramuntxo Camblong, Udalbide/Udalbiltzako zuzendaritza kidea. Jaiak giro bikaina izan zuen, eta afalostean joku, kantu eta dantza artean gau bikainaz gozatzeko aukera izan zuten bertaratu zirenek.

Herri Urrats 2009 01

[Iparraldeko Euskal Etxeko txokoan afaltzen elkarteak antolatu zuen Herri Urrats jaian, joan den maiatzaren 9an (argzkia IEE-CVF)]

[Iparraldeko Euskal Etxek Herri Urrats dela eta antolatu zuen afarian parte hartu zuten lagunetako batzuk (argazkia IEE-CVF)]

Herri Urrats 2009 03

[Afalostean Senpereko lakua marraztu zuten frontoian --Herri Urrats laku honen inguruetan ospatzen da urtero-- eta haren inguruan jokoak egn zituzten (argazkia IEE-CVF)]