Buenos Aires, Argentina. Zea Mays euskal talde enblematikoak Atlantikoa zeharkatuko du berriz ere hil honen amaieran, Argentinako publikoarekin lehen aldiz aurrez aurre egoteko. Nazioarteko oholtzetan ia hiru hamarkadako bidea egin ondoren, euskaraz abesten duen euskal pop-rock alternatiboaren erreferente nagusietako bat herrialde australera iritsiko da. Zuzenekoaren indarrarekin eta euskal eszenako talde ezagunenetako baten zigiluarekin, Argentina Tour 26k formatu intimo bat aurkeztuko du: ahots eta gitarra bikote akustikoa. Gogoratu taldea ibilia dela Diasporako beste euskal herrialde eta komunitate batzuetan, hala nola Estatu Batuetan, Mexikon, Europako herrialdeetan... Oraingoan, azkenean, euren fan argentinarren txanda.
1997an Bilbon sortu zenetik, taldeak sorrerako laukote berari eutsi dio: Aiora Renteria (ahotsa), Asier Basabe (bateria), Ruben Gonzalez (baxua) eta Piti Iñaki Imaz (gitarra). Gaur egungo musika munduan batere ohikoa ez den egonkortasun horrek berezko hizkuntza findu bat garatzea ahalbidetu die. rockaren indarra eta kantu garaikidearen sentikortasuna uztartuz, hizkuntza-mugak gainditzen dituen nortasun soinudun propioa eraiki dute.
Bira, euskal etxe argentinarrekin lankidetzan antolatua, martxoaren 28an hasiko da Rosarion. Argentinako euskal geografiako gune garrantzitsuetan barrena ibiliko da taldea, esan nahi baita Buenos Airesen, Necochean eta Tandilen, azken kontzertua apirilaren 2an Mar del Platan emateko. Aukera paregabea izango da Renteriaren ahotsaz erregistro soil eta biluzian gozatzeko, melodiei eta letren lanketari erabateko protagonismoa emanez.
Argentina Tour 26 kontzertuen datak eta lekuak:
- Martxoak 28: Rosario, Zazpirak Bat (Entre Rios 261)
- Martxoak 29: Buenos Aires, Euskaltzaleak (Bernardo de Irigoyen 826)
- Martxoak 31: Necochea, Euzko Etxea (Avenida 58 - Calle 65)
- Apirilak 1: Tandil, Gure Etxea (Sarmiento 1079)
- Apirilak 2: Mar del Plata, Denak Bat (Moreno 3440)
Lagun bati bidali
Komentarioa gehitu
