Bahía Blanca, Argentina. Urtarrilaren 29an Bahia Blancako “Unión Vasca” Euskal Etxeak 123 urte bete zituen eta bazkide eta lagun talde bat bildu zen afari baten inguruan ospatzeko. Egun berarekin, urtarrilaren 29an, 1899an, 47 euskaldun bildu eta sortu zuten, hasieran Laurak Bat izena hartu zuen euskal etxea. Elkarte berriak buruzagien egoitza komertzialetan funtzionatzen eman zituen lehen pausoak. 1905ean Lavalle eta Lamadrid kalean lurra erosi eta urte gutxiren buruan egungo egoitza eraikiko zuten. Kide eta jarduera ugariko euskal etxea da gaur egun.
Urteurrena udako oporraldi betean denez, eta urtero bezala sasoi honetan kirol- eta kultura-jarduerarik ez dagoenez, normalean ez da ekitaldi handirik egiten, baina beti ospatzen da 29ean bertan, eta aurten ez zen salbuespena izan. Egungo lehendakari Iñaki Ederrak ezin izan zuen parte hartu, konfinatuta zegoelako eta lehendakariorde Carlos Fernandez-ek eman zituen urtebetetzeko eta oroitzapeneko hitzak.
Hogeita hamar bat bazkide eta lagun bildu ziren afaltzera eta 123. urte hauengatik eta datozenengatik topa egitera.
Onena opa dizuegu. Zorionak!
Lagun bati bidali
Komentarioa gehitu
