Bilbo, Bizkaia. «37. urteko haurrak Erresuma Batuan» da San Mames estadioan egoitza duen Bilboko Athletic Club Museoaren aldi baterako erakusketa berriaren izenburua. 1937ko Gerra Zibilean Erresuma Batura ebakuatu zituzten milaka euskal haurren historia du ardatz, eta futbolaren elitean lehiatzera iritsi ziren batzuen istorioak azpimarratzen ditu, izan ere erbesteratutako haur haietako batzuk erakunde zuri-gorrian debuta egitea lortu batzuten, AC Museoak ohar batean adierazi duenez.
Erakusketa atzo inauguratu zen San Mamesen, Gernikako Bonbardaketaren 85. urteurrenaren biharamunean, hain zuzen ere. Izan ere Gernikako sarraskiak bizkortu eta areagotu egin zuen milaka haur Euskal Herritik, Bizkaitik bereziki, Erresuma Batura ebakuatzea, Habana baporean, gerra betean.
Erakusketaren inaugurazioko bideoa (irudia AC Museoa)
Lezama, Aldekoa, Barinaga, Bilbao...
Athletic-eko presidente Aitor Elizegi eta ACko zuzendari Asier Arraterekin batera, partaide izan ziren ekitaldian Jaurlaritzako lehendakariorde Idoia Mendia; Giza Eskubideetako, Memoriako eta Lankidetzako sailburuorde Josean Rodriguez Ranz; Bizkaiko Foru Aldundiko Carlos Sergio eta Begoña de Ibarra, hurrenez hurren Kirol zuzendaria eta Kultura zuzendari nagusia; Bilboko Udaleko zinegotzi Amaia Arregi; eta BCA’ 37 UK (Basque Children of 37′ Association UK) elkarteko lehendakari Carmen Kilner.
Baita Manu Lezama ere, erakusketako protagonistetako bat den eta Athletic-eko 40. hamarkadako atezain mitikoa izan zen Raimundo Lezamaren semea. Lezama atezaina Ingalaterrara ebakuatutako gerrako haur haietako bat izan zen eta Southampton FC taldean izena hartu ondoren Bilbora itzuli zen Athleticeko legenda bihurtzeko.
Erakusketa AC Museoaren eta BCA ’37 UK eta BCA’ 37 Euskadi (1937ko Erresuma Batuko eta Euskadiko Euskal Haurren Elkartea Erresuma Batuan) elkarteen arteko lankidetzaren emaitza da. Elkarte horiek 1937an erbesteratutako adingabe hauen memoriaren alde egiten dute lan.
Eros hemen zeure sarrera San Mamesera, barne bisita AC Museora eta erakusketa honetara
Lagun bati bidali
Komentarioa gehitu
