euskal diaspora eta kultura
2018/09/10
Arauak aipatzen zituen artikuluetako batean egon zitekeen balizko ulertze-zalantza bat uxatzeko, EuskalKultura.com-ek datorren asteazkenera arte luzatu du indarrean daukan proiektagailuaren zozketan parte hartzeko epea. Gogoratu zozketak bi fase dauzkala eta lehenengoan --azken epe luzaezina asteazkena--, euskal etxe interesatuek euren izena behar dutela eman, gero bigarrenean hautatuak gertatu eta proiektagailua lortu ahal izateko. Oraindik garaiz zaude, beraz, zure elkartearen izena emateko.
2018/09/10
2018ko Immigranteen Erregina hautatzeko ekitaldia egin zen joan den larunbatean Entre Rios probintziako Concordia hirian, bertako Gizataldeen XXV. Azokaren programaren baitan. Euskal komunitatekoek Euskal Diasporaren Eguna ospatu zuten egun osoan Azokaren barruan ipinitako standean eta eguna bukatzeko berri pozgarria bildu zuten, euren ordezkaria, Ana Laura Bidegain, koroatu baitzuten Immigrateen Erregina ...
2018/09/08
Euskal Diasporaren Eguna da gaur. Lehenengoz ospatuko da, hemendik aurrera urtero irailaren 8arekin bat Euskal Herrian eta mundu osoan ospatzeko bokazioz. Euskal etxeek aspaldi eskatzen zuten, eta oraingo Kanpoan diren Euskal Komunitatearentzako Zuzendaritzak eman du pausoa. Gaur Gasteizko Lehendakaritzan egingo den ekitaldi ofizialean, Urkullu lehendariak Diasporako euskaldunek historian zehar euskaldunoi, euskal ...
2018/09/07
Mundu osoko euskal etxe eta komunitateek erantzun zinez engaiatua eman diote Eusko Jaurlaritzak irailaren 8an 'Euskal Diasporaren Eguna' ospatzeko proposamenari. Data, larunbat honetan ospatuko da lehenengo aldiz, gerora urteroko hitzordu legez ospatzeko asmotan. Berez, Juan Sebastian Elcano getariarra, munduari lehengo bira eman ondoren itzuli zeneko egunari dagokio data, eta Urkullu lehendakaria buru duen Euskal Gizataldeetako Aholku Batzordeak hartu zuen joan den abenduan, munduko euskal etxeek bertan dauzkaten hiru kideen aldeko botoez.
2018/09/07
Alfredo Velasco Nuñezen "La gesta traicionada. Los anarquistas vascos y la guerra civil en Euskal Herria" liburuak Euskal Herriko anarkistek Espainiako Gerra Zibilean izan zuten paperean sakontzen du. Euskal Herriko DDT Argitaletxeak argitaratu zuen testuaren lehenengo edizioa eta orain Culmine Argitaletxe argentinarraren eskutik Hego Amerikako irakurleengana iritsiko da. Egilea, Alfredo ...
2018/09/06
Euskal Uruguaitar Erakundeen Federazioak (FIVU) bere azken Ohiko Biltzar Nagusiaren berri helarazi digu. Abuztuaren 15ean burututako bileran federazioko Zuzendaritza Batzordea berritzeko hauteskundeak egin ziren eta Enrique Poittevinek Juan Pedro Arini pasatu zion lehendakaritzaren lekukoa.
2018/09/05
Bira berria hasiko du Ameriketara Joseba Gotzon kantari portugaletetarrak. Rio de Janeiroko IMF estudioetan grabaturiko 'Desiraren Kaia' disko eta bideoa besapean, Mexiko (lehenengo aldiz) eta Argentina dira oraingoan bisitatuko dituen herrialdeak, joan den uztailean Kuban zenbait emanaldi eskaini ondoren, iaz Habanako Euskal Etxearen 140. urteurrena bete zela-eta. Ameriketarako hamargarren ...
2018/09/04
Ander Zudaire, Nora Urtasun eta Alicia Urtasun iruindarrak dantzariak eta dantza irakasleak dira. Hirukoteak otsailean ezagutu zuen Argentinako nafar gizataldea eta hain esperientzia ona izan zuten non orain Hego Amerikara berriro etortzea erabaki baitute, dantza eta euskara klaseak eta euskal kulturari buruzko hitzaldiak eskaintzera. Bidaiaren ibilbidea zehaztuta egon arren –Argentina eta Uruguaiko hamar bat euskal eta nafar etxe bisitatuko dituzte lau hilabetetan– egonaldia luzatzeko aukera ez dute baztertzen, erakunde gehiagoren gonbitea jasoz gero.
2018/09/04
“Mila tanta behar ditugu olatu erraldoi bat osatzeko” diote Viña del Mar- Valparaisoko Eusko Etxe txiletarreko lagunek jendea kanpainan parte hartzera animatzeko. Izan ere, gaztejendeak osatutako zuzendaritza talde berria dauka elkarteak eta aurreko urteetan sorturiko zor handiak topatu ditu, ibilera normala baldintzatzen diotenak, eta zor horiek kitatzea ezarri du lehentasun. Beste zenbait neurrirekin batera, euskal komunitate osoari laguntza deia luzatzea erabaki du. Diru laguntza Internetez egin ahal da, hiru pauso errazetan. "Denok eman behar dugu zerbait gutxi batzuk dena eman behar ez dezaten" dio esaerak, eta hondar ale bat jartzera animatzen zaituzte,
2018/09/04
Bukatu da errentatzea edo besteei eskatzea. Munduko Euskal Etxeek edozein elkarterentzat hain baliagarria den tramankulu hau eskuratzeko aukera daukate orain, EuskalKultura.com-ek Euskal Etxeei laguntzearren antolatu duen zozketa medio. Parte hartzea oso erraza da, eta sariak merezi du. Zozketak bi fase dauzka eta lehenengoan --datorren ostiralean bukatuko da-- euskal etxe interesatuek euren izena behar dute eman, gero bigarrenean hautatuak gertatu ahal izateko. Eman zure elkartearen izena, eta zorte on!
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
