euskal diaspora eta kultura
2017/10/05
Larunbat honetan, urriaren 7an egingo du euskal etxe madrildarrak Euskal Jaia 2017, Retiro Parkeko uretan eta Behien Etxean, barneko antzokian zein kanpoko terrazan. Egitaraua erabat doanik izango da, goizeko 10:15etan arraun-lasterketa batekin hasita, bi euskal eskifaia Madrilgo beste biren kontra. Ondoren, egun osoko programa eta zenbait artisten emanaldia: Kukai, Pauline & Juliette, Madrilgo Txistulariak eta Abesbatza, eta Korrontzi... pintxoak, txakolin eta sagardoa eta jateko/edateko ona ahaztu gabe.
2017/10/05
FEVAk deituta, 30etik gora lagun bildu ziren joan den asteburuan Pergaminon, Euskal Etxeen Topaketan parte hartzeko. Elkarretaratzean, elkarteetako zuzendarientzako formakuntza eta oro har erakundeetako kide ela lagunentzako tailerrak eskaini ziren. Pergaminoko Lagun Onak Euskal Etxeak antolatzen zuen mota honetako lehenengo saioa izan da eta balantze ezin hobea egin dute anfitrioiek eta bisitariek. “Aurrez aurreko kontaktu hau estimatzen dut bereziki”, aitortu dio Lagun Onak-eko lehendakari Carlos Miguelenak EuskalKultura.com-i.
2017/10/04
EHAA Buletin ofizialak joan den asteleheneko dataz, urriaren 2koaz, HABEko zuzendari nagusiaren 2017ko irailaren15eko Ebazpena eman du argitara, arautuz Euskal Etxeei 2017ko urritik 2018ko irailera arte emango zaizkien euskara irakasteko sostengu ekonomikoak. EuskalKultura.com-ek zegokionean iragarri zuenez, deialdi honetarako oniritzia irailaren 14an eman zuen Jaurlaritzaren Gobernu-Kontseiluak eta orain sartuko da indarrean, EHAA buletinak argitaratu ostean, orotara 234.000 euro banatuko dituela.
2017/10/04
Espainiako poliziaren jokabideak zortziehundik gora zauritu utzi zituen populazio zibilean joan den igandean, urriaren 1ean, Kataluniako gobernuak deitutako --eta epaileek legez kanpokotzat jotako-- erreferendum deiari erantzun zion bi milioitik gorako biztanleria bozkatzera joan zenean. Bartzelonan eta beste hamaika herri eta hiri katalanetan jasotako irudiek mundua zeharkatu dute komunikabideen eta sare sozialen bidez eta, horien aurrean, euskal diasporako hamaika pertsona eta erakundek alkartasuna adierazi diote Kataluniako herriari.
2017/10/03
‘Y volverán a ser árboles’ izeneko literatura elkarteak Bakearen Nazioarteko Egunaren baitan antolatutako ekimenekin bat eginez, bi ekintza burutu zituen Pehuajoko Etxe Alai Euskal Etxeak. Goizean, euskal gizataldeko zenbait ordezkarik haritz bat landatu zuten herriko Bakearen Arkuaren aurrean. Arratsaldean, Euskal Etxearen egoitzan bildu ziren lagunak, aurten Gernikako Bonbardaketaren 80. urteurrena dela-eta, Bizkaiko herrixkak jasandako erasoa gogora ekartzera.
2017/10/03
Estatu Batuetako Euskadiren Ordezkaritza, New Yorken egoitza duen Europar Amerikar Merkataritza Ganberako (EACC ingeleseko bere sigletan) kide da eta elkarte honek hilabetero ateratzen duen buletinak bere euskal partaide hau nabarmendu du "Monthly Member Spotlight" izeneko atalean bere azkeneko alean, 2017ko irailekoan. 1926an sortutako irabazteko asmorik gabeko erakunde hau elkarte pribatu, independente eta ez-politkoa da eta itsasoz bi aldeetako harremanak sustatzea du helburu.
2017/10/02
‘Otegui’ zubiak Lavalleja departamentua zeharkatzen duen San Francisco errekaren bi ertzak lotzen ditu, Minas hiriaren sarreran. Zubia eraikiarazi zuen euskal jatorrizko Otegui familiari omenaldia egite aldera, Zubiaren inaugurazioaren 90. Urteurrenean, euskal gizataldea gonbidatu zuten Lavallejako Udalak, bertako Kultur Etxeak eta Otegui sendiaren ondorengoek berek, urtemuga ospatzeko.
2017/10/02
Euskal zinema Argentinako bazter orotan zabaldu dute Gabilondok eta haren emazte Norma Carrizok. 2011n ekin zioten filmak autoan sartu eta zinemaren bidez euskal kultura ezagutarazteari. Honako elkarrizketa Berria egunkariak eman du argitara, Pello Zubiriak eginik Carlos eta Norma Donostian direla-eta Zinemaldian parte hartu eta kontaktu eta proposamen berriak argentinaratuz euren lanari eutsi eta hobetzekotan.
2017/09/29
Urriaren 2an hasiko dira aurten ‘Universidad Vasca de Buenos Aires’ (Buenos Airesko Euskal Unibertsitatea) taldeak antolatutako Euskal Jardunaldiak. Ekitaldiak Kongresu Argentinarreko Liburutegian izango dira, arratsaldez, eta sarrera libre eta doan. Ekitaldiaren aurtengo edizioa Buenos Airesko Zutarriak euskal taldearen emanaldi batekin hasiko da baina beste hainbat jarduera mota eskainiko dira urriaren 11ra arte, tartean, zine emanaldiak eta hitzaldiak.
2017/09/28
Urkulluren bidaia urriko azken astean eta azaroko lehenengoan izango da. Lehendakariak Arantxa Tapia Garapen Ekonomiko eta Azpiegitura sailburua lagun izango du, besteak beste, bidaiaren eduki ekonomiko handiagatik. Kointzidentziaz, Kanada eta AEBetako euskal erakundeen bilgarri den NABO federazioak datorren asteko asteburuan egingo du bere Udazkeneko Bilera Montrealen. Bere bidaian, Urkullu Montrealgo euskaldunekin biltzea aurreikusten da.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
