euskalkultura.eus

euskal diaspora eta kultura

Albisteak rss

Gero eta gertuago dago ‘Buenos Aires Celebra’: euskal erakusketa erraldoia maiatzaren 6an izango da, Etxe Arrosa ondoan

2018/04/20

2018ko Buenos Airesek Euskal Herria ospagai maiatzaren 6an izango da

Argentinako euskal kultur adierazpen ugari bilduko ditu aurten ere ‘Buenos Aires Celebra’ (BAC) edo ‘Buenos Airesek Euskal Herria ospagai’ erakustaldiak. Egun osoko ekitaldia maiatzaren 6an izango da, Mayo etorbidean –Etxe Arrosatik metrotara– eta milaka bisitari espero ditu Laurak Bat Euskal Etxeko antolatzaileek. Euskal Herritik etorriko dira, besteak beste, Kanpoan den Euskal Komunitatearentzako zuzendari Gorka Alvarez Aranburu, Jasone Agirre parlamentaria eta Gure Esku Dago dinamikako ordezkariak.

Gehiago irakurri...


Mercomus 2018 amaitu da Montevideon: Mar del Platako argentinarrak txapeldun eta bikote peruarra bigarren

2018/04/19

2018eko MercoMus-eko irabazleak

Hamasei bikotek hartu dute parte aurten Montevideon jokatu den MercoMus lehiaketan. Txapela, ordea, bakarrari egotzi zaio eta Argentinara joan da, Mar del Platako Juan Gonzalez eta Luis Mari Vicente bikotearen eskutik. Uruguaitar hiriburuko Euskaro Euskal Etxe anfitrioiek zein muslari partaideek ekimenaren balantze ezin hobea egin dute eta euren burua bertan, Uruguain, jokatuko den 2020ko Mundu Txapelketari begira jarri dute.

Gehiago irakurri...


Valparaisoko Euskal Etxeak "Gernikako Bonbardaketa" erakusketa abiatu eta "Markak" dokumentala emango du apirilaren 26an

2018/04/18

Viña-Valparaisoko Eusko Etxearen liburutegia zabaltzeko festa joan den urtarrilaren 26an

2018 urte osorako bere programa bidali digu Valparaisoko Euskal Etxeak, Txilen, eta bertan datorren astean nabarmentzen da Gernikako Bonbardaketaren urteurreneko egun berean Valparaisoko Udaletxean zabalduko duten "Gernikako Bonbardaketa" erakusketa eta pantailaratuko duten "Markak" dokumentala, Euskadiren Ordezkaritza eta Valparaisoko Alkatetza bera lankide antolatua. Euskal Etxeak urtean zehar eratu dituen bestelako proposamen dira Iñaki Deuna, Diasporaren Eguna edo Euskal Astea-Euskararen Eguna baita ere euskara, zinema, musa, dantza, gastronomia...

Gehiago irakurri...


Euskal kolektibitatea, gizatalde partaide bakarra Concepcion del Uruguaiko 2018ko ‘Expo Concepción’ erakustaldian

2018/04/18

Concepcion del Uruguayko Ibai Txori Euskal Etxea 2018ko 'Expo Concepcion'en

Bi urtean behin egiten da Concepcion del Uruguay hiri argentinarrean eskualdeko sektore produktiboen erakustaldia den ‘Expo Concepción’. Antolatzaileek gonbidaturik, Ibai Txori Euskal Etxeak ere parte hartu du aurten, kultur eta sukaldaritza stand baten ardura harturik. Urte osoko ekitaldiak zabaltzeko aprobetxatu dute Euskal Etxeko kideek, tartean, datorren astean bertan, Handia filmaren emanaldia, apirilaren 27an, erakundearen Zine Zikloaren baitan.

Gehiago irakurri...


Paueko Lagunt eta Maita-k igandean egingo du bere Urteroko Besta, Michel Lagan lehendakari berria duelarik

2018/04/17

Michel Lagan da Paueko Lagunt eta Maitako lehendakari berria, lehendakariorde Frantxua Challet eta Jean Marc Olharan dituela

Datorren igandean egingo du Paueko (Frantzia) Lagunt eta Maita euskal elkarteak bere Urteroko Besta Nagusia. Eguna Landart apezak emaniko mezarekin hasiko da eta gero elkartasun bazkari bati ekingo zaio. Gogoratu, bestalde, Lagunt eta Maita-ren azken Zuzendaritza Batzordeak, eta martxoaren 23ko Bilkura Nagusiko deliberoen ondotik, ekipo berria hautatu duela euskal etxeak. Michel Lagan-ek hartu dio txanda lehendakari gisa Frantxua Challet-i, Frantxuak lehendakariorde gisa segitzen duelarik.

Gehiago irakurri...


San Nicolaseko Euskal Etxea euskal gizataldearen ordezkari hiriaren 270. urteurren kabalkadan

2018/04/17

Euskal partaidetza San Nicolas hiriaren 270. urteurrenean

Bat egin zuen Euzkal Etxea elkarteak San Nicolaseko beste hainbat elkarte, erakunde, eskola eta indar bizirekin hiriaren 270. urteurrena ospatzeko. Desfile zibiko-militarrean ikurrina ere ikusi ahal izan zen bandera argentinarraren ondoan. Bestalde, bere programa solidarioen baitango bi ekitaldi iragartzen ditu Ana Maria Erausqui buru duen Euskal Etxeak: gaur, Irakurriz Hazi; datorren asteazkenean, Etxe Nasaia.

Gehiago irakurri...


"Nafarroa 1936" erakusketa zabalik Habanako Unibertsitatean, 200 bat pertsona bildurik irekiera ekitaldira

2018/04/16

Jose Ramon Urtasun eta Nafarroa 1936 erakusketa Nafarroako Parlamentuan egon zenean (arg. Bergasa-DNN)

Jose Ramon Urtasun iruindarraren “Nafarroa 1936” erakusketa ikusgai dago apiril osoan Habanako Unibertsitatean. Goi ikastetxe horretan Euskara eta Euskal Kultura irakurle den Joseba Sarrionandiaren ekimenez gauzatua, errepresio frankista islatzen duten piezek osatzen dute eta Arte eta Letren fakultatean eta Iraultzaren Plazako Galerian ere ikusi ahal izango da. Irekiera ekitaldiak berrehun bat jende bildu zituen, Euskal Herriko zein Kubako.

Gehiago irakurri...


123 urte bete berri dituen Buenos Airesko Iparraldeko Euskal Etxeak Gernika oroituko du apirilaren 25ean

2018/04/16

Iparraldeko Euskal Etxearen 123. urteurrena (argazkia Norma Rios)

Iparraldeko Euskal Etxeko lagunek ekitaldi berean gogoratuko dituzte Aberri Eguna eta Gernikako Bonbardaketaren 81. urteurrena. Cesar Arrondo hizlari anfitrioi eta ‘Gernika’ dokumentala ikusten. Hitzordua apirilaren 25ean izango da, iluntzeko 7etan. Erakundeko Kultura Azpibatzordeak antolatzen duen urteko programan parte hartzera ere gonbidatu du elkarteak, tartean euskara klaseetan, Mus Tailerrean eta Zine Zikloan.

Gehiago irakurri...


Apirilaren 21ean hautatuko du FEVAk bere lehendakari berria: aurkeztuko den zerrenda bakarrak Javier Ederra du buru

2018/04/13

Javier Ederra lehendakaria izateko hautagaia eta Hugo Andiazabal lehendakaria

Javier Ederrak FEVAren idazkaritza utziko du Federazioaren lehendakaritza bereganatzeko. Izan ere, zerrenda bakarra aurkeztu da apirilaren 21ean egingo diren hauteskundeetan parte hartzeko eta gauzak pentsatu bezala gertatzen badira bahiatarra izango da erakundeko presidente berria 2018-2020 epean. Ederrarekin batera, Carlos Miguelenak (idazkari) eta Elba Mocoroak (diruzain) osatzen dute FEVArako kargu gorenen zerrenda.

Gehiago irakurri...


Aberri Eguna dela-eta Argentinan zehar egindako ekitaldiek irudi ederrak utzi dizkigute aurten ere

2018/04/12

2018ko Aberri Eguna 75 urte betetzen ari den Mar del Platako Denak Bat Euskal Etxean

Apirilaren 1ean ospatu da aurten Aberri Eguna Euskal Herrian; euskal diasporako herri eta erakunde askotan Bazko Igandean bertan egin ziren ekitaldiak; beste anitzetan, ordea, apirilean zehar egin dira eta egiten ari dira. EuskalKultura.com-eko gaurko artikuluan, 2018ko Aberri Eguneko argazki galeria, gure erredakziora iristen joan diren argazki eta irudietako batzuekin.

Gehiago irakurri...


© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia