euskalkultura.eus

euskal diaspora eta kultura

Albisteak rss

Asteburuan Euskal Besta da Bakersfield-en: EHko eliteko lau pilotari gazte arituko dira bertan eta San Frantziskon

2018/05/23

Bakersfield-eko 2018ko Euskal Bestaren kartela. Afixaren egilea, Pierre Igoa

Markel Lizeaga, Xabi Erostarbe, Andoni Ugalde eta Iker Irribarria dira Euskal Herritik Kaliforniako euskal kantxetarako bidean jarri diren pilotariak. Lehenik datorren asteburu honetan Bakersfield-eko euskal etxeak, Kern County Basque Club-ek ospatuko dituen euskal festetan arituko dira. Eta hurrengo asteburuan, ekainaren 1ean, San Frantziskoko Euskal Etxeko kantxan, bertako euskal afizioaren gozagarri. Aukera aparta Kalifornia eta AEBetako pilotazaleentzat, lau gazteon eliteko euskal pilota bertatik bertara ikusteko.

Gehiago irakurri...


Comodoro Rivadaviako Euskal Echea Elkarteak historia eta oraina batu zituen 95. urteurreneko jai koloretsuan

2018/05/23

Comorodo Rivadaviako Euskal Echea Elkartearen 95. urteurren afaria

Jai erraldoi batekin ospatu zuen bere 95. urteurrena Chubut probintziako Comodoro Rivadaviako Euskal Etxeak. Ospakizun programa astebete luzatu zen eta joan den larunbatean bukatu Patagoniako Euskal Etxeen Topaketarekin eta 300tik gora lagun bildu zituen urteurren afariarekin. Sara Pagola Euskadiren ordezkariak eta Javier Ederra FEVAko lehendakari berriak ere bat egin zuten buruzagi, bazkide eta lagunen bozkarioarekin.

Gehiago irakurri...


Buenos Airesko Euskaltzaleak-en gonbidapen irekia ekainaren 9an eratu duen Mintzodromo eta Triki-poteoan parte hartzeko

2018/05/22

Mintzodromo eta Triki-poteoa Euskaltzaleaken

Euskararen aldeko ekitaldi bikoitza ari da antolatzen Buenos Aires hiriburuko Euskaltegiak ekainaren 9rako. Iluntzean bere zazpigarren Triki-poteoa egingo du eta trikien eta panderoen erritmora San Telmo auzoko kaleetan pote batzuk hartuko dituzte bertaratzen direnek.. Hori baino lehen, ordea, lehenengo Mintzodromo batekin animatuko da Euskaltzaleak. Euskaldunak oro eta Buenos Airesko eta inguruko euskal etxeetako euskara ikasle guztiak ere gonbidatuta daude egun osoko ekitaldira!

Gehiago irakurri...


Javier Clua buru duen Zuzendaritza Batzordearen zati bat berritu du La Platako Euzko Etxeko Batzar Nagusiak

2018/05/22

Maiatzaren 20an egindako Batzarren ondorioz, Zuendaritza Batzordea berritu du Euzko Etxeak 2018-2019 eperako. Irudian, osatzen dutenak.

Urteko Batzar Nagusia egin zuen joan den larunbatean La Platako Euzko Etxeak, eta besteak beste Zuzendaritza Batzordearen zati bat berritzeko hauteskundeak egin zituen. Nagusiki, Javier Clua lehendakari duen elkarteak ez du aldaketa handirik izango eta Jorge Batiz-ek segituko du lehendakariorde, Iñaki Azcaratek idazkari, Maria Ángeles Berrueta sartuko da idazkariorde, Sergio Ochotorena segituko du diruzain, eta Patricia Pulidok diruzainorde. Zerrenda osoa datozen lerroetan.

Gehiago irakurri...


Euskal gaia duen edo nolabait euskaldunei lotutako obraren baten idazle zara ingelesez? Hona argitaratzeko aukera

2018/05/21

Basque Writing Contest 2015. urtean antolatu zen lehenengo aldiz AEBetan, euskal originalei argitaratzeko aukera ematearren

Izan ere, 500 dolar eta obra argitaratzea du lehenengo sari Renoko William A. Douglass Euskal Ikasketa Zentroak Boiseko BSU Unibertsitateko Euskal Ikasketekin batera aurten ere deitu duten idazketa lehiaketak. Ingelesez idatzitako lanentzat da, beti ere euskal gaia edo euskal protagonistak dituztela, edo modu batez edo bestez euskaldunekin lotura duten idazlanak badira. Originalak aurkezteko epea irailaren 15erainokoa da, erantzuna urte azkenerako.

Gehiago irakurri...


Bilboko argazkia satelite batek lurretik 450 kilometrora hartua: San Mames Barria bereziki nabarmentzen da

2018/05/21

Athletic-en estadioa, San Mames Berria da Bilboko hirian airetik hobekien bereizten den elementuetako bat (argazkia Planet)

450 km-ko alturatik eta Bilbotik 1.000 km-ra. AEBetako Planet enpresa espezializatuak zabaldu ditu irudiok, inklinazio berezi batez atereak, 45 eta 60 graduko inklinazioz hain zuzen: sateliteko argazkiak normalean goitik behera mapa baten antzeko emaitza lortuz egiten badira, "honela hegazkin bateko lehiatilatik lortuko genituzkeen bisten antzeko irudiak lortzen ditugu", adierazi du enpresako bozeramale batek. Argazkian ederki nabarmentzen dira, esaterako, San Mames Barria eta oraindik Zorrotzaurreko penintsula dena.

Gehiago irakurri...


Zuzendaritza Batzordea berritu du Arrecifesko Euskaldunak Denak Batek, Laureano Villa hautaturik lehendakari

2018/05/18

BEuskaldunak Denak Bat-eko Batzorde berria, Luis Villa Zabaleta erdian eserita aginte makilarekin

Elkarteko araudiak dioenari jarraiki, Urteroko Batzar Nagusia egin du Argentinako Buenos Aires Probintziako Arrecifes herrian bertako Euskaldunak Denak Bat Euskal Etxeak, Bildutako bazkideek, besteak beste, elkarteko Zuzendaritza Batzorde berria hautatu dute, Batzorde berrituko buru (lehendakari) Laureano Villa Zavaleta hautatuz. Berarekin batera Batzordean daude, besteak beste, Juan Lucio Agotegaray (lehendakariorde), Liliana Martinez (idazkari) eta Haydee Aurtenechea (diruzain).

Gehiago irakurri...


Montevideoko Euskaro EEko Ohiko Batzar Nagusiak Juan Carlos Ariztegui hautatu du elkarteko lehendakari berri

2018/05/18

Euskaroren 2018ko Batzarraren lehendakaritza, bigarrena ezkerretik da Ariztegui lehendakari berria

Montevideoko Euskaro Euskal Etxeak Urteko Ohiko Batzar Nagusia egin zuen joan den astelehenean elkartaren egoitzan bertan. Bildutakoek urteko txosten eta balantzeak aztertu eta onartu zituzten eta, besteak beste, euskal etxako Zuzendaritza Batzorde berria hautatu zuten, lehendakari izendatuz Juan Carlos Ariztegui. Berarekin batera batzordekide dira Lucía Goñi (idazkari) eta Carlos Larregueta (diruzain), beste zenbaiten artean. Jarraian zerrenda osoa.

Gehiago irakurri...


Euskadin bizi diren euskal-venezuelarrek 2018ko elkarretaratze eta egunpasa egin zuten Galdakaon

2018/05/17

Euskal-venezuelar elkarretaratzeko bazkaria eta Gorka Alvarez Aranburu intsignia ezartzen 86 urteko Felipe Sernari (arg. GAA)

Hogeita hirugarrena izan da, Amaya Zenarutzabeitia buru duen Simon Bolivar elkartea antolatzaile. Horietarik gehienak Galdakaon egin izan dira, beti ere Venezuelako euskal komunitatearen eta Euskal Herrian bizi diren euskal-venezuelarren arteko harremanak mantentzea helburu, Euskal Venezuelaren iragan aberatsa eta sentimentu sendoa belaunaldi berriei pasatuz. Ohi bezala, 2018an ere hitzordua komunitatean hildakoen aldeko meza batekin eta ondoren zintzur-bustitze eta senidetasun bazkari batekin ospatu zen, Euskal Herriaren eta Venezuelaren aldeko konpromisoa eta atxikimendua lagun.

Gehiago irakurri...


Gure Ametza Euskal Etxea formakuntza eskolak ematen hasiko da gaur, Rio Cuartoko Unibertsitatearekin bat eginda

2018/05/17

Gure Ametza Euskal Etxearen sarreran, 'Guernica' koadroaren erreprodukzio berria

Unibertsitatearekin sinatutako akordioari jarraituz Euskal Etxeko ateak formakuntza jasoko duten ikasleei zabalduko zaizkio gaurtik aurrera, Rio Cuartoko herritarren --bereziki herritar gazteen-- mesederako izango den ekimen hau medio. Eskolak ‘Universidad Barrial’ delakoaren baitan kokatzen dira. Karia horretara zenbait moldaketa egin ditu euskal etxeak bere egoitzan, beti ere bere komunitateari hobekien zerbitzeko xedea gogoan hartuta, bertako gainerako elkarte eta erakundeekin lankidetza bultzaturik.

Gehiago irakurri...


© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia