euskal diaspora eta kultura
2007/03/12
Argentinako Euskara Arduradunen bilera egin zen joan den larunbatean Buenos Airesen, FEVAren (Federación de Entidades Vasco Argentinas edo Eusko Argentinar Bazkun Alkartasuna, elkartearen euskarazko izen ofizialean) egoitzan. Mariluz Artetxe FEVAko lehendakaria buru eta Gabriela Mendia Euskara Arloko idazkaria gidari, hamasei euskal etxetako euskara arduradunek 2007rako plangintzari erreparatu eta urteko lehenengo bilkurari ekin zioten, Argentinan euskara ikastaroak hasteko sasoina den garai honetan.
2007/03/10
Argentinako Kordoba probintziako gobernadore José Manuel de la Sotak audientzian errezibitu ditu aste honetan hiriburuko kordobatarreko Euskal Etxeko Zuzendaritza Batzordekoak. Bileran, euskal-kordobatar komunitatearen ordezkariak aukera izan zuten eskertzeko beste behin gobernadoreari joan den urrian, Kordoban Euskal-Argentinar Astea egin zela-eta Ibarretxe lehendakariak bertara eginiko bisitaldian probintziako agintari gorenak eskainitako abegi eta arreta ezinhobeak.
2007/03/10
Hauteskunde garaia heldu zaio Villa Mercedes San Luis probintzia argentinarreko Euskal Etxeari. Barne araudiak esandakoa betez, elkarte euskaltzaleak bozak egin eta lehengo ildo edo lerrotik segituko duela ematen du: Julio Esnaolak segitzen du lehendakari bi urteko beste agintealdi baterako. Berarekin batera osatzen dute batzorde hautatu berria: Edith 'Titi' Otazu, lehendakariorde; Liliana Rouan, idazkari orokor; Patricia Carrio, idazkariorde; Analia Cardon, diruzain; eta Walter Agüero, diruzainorde, besteak beste.
2007/03/10
2007/03/09
Sabino Arana Fundazioak Mezu@ buletin elektroniko berria jarri du abian, publikoaren eta fundazioaren arteko harremanak estutu asmoz. Buletinak Arteako Euskal Nazionalismoaren Artxiboko edota fundazioaren museoari buruzko nobedadeak aurkeztuko d¡tu --erakusketak, ekitaldiak...-- eta fundazioaren web orrialdean dauden baliabideen berri ere emango du. Arduradunen agiantzaren arabera buletinak fundazioaren eta erabiltzaileen arteko erlazioa dinamikoagoa egingo du, erabiltzaileek zuzenean euren e-mailean jasoko baitute fundazioaren berri. Buletina doanekoa da eta jasotzeko Sabino Arana fundazioaren webgunean behar da egin harpidetza.
2007/03/09
Gabriel Ceballos gazte mexikarra Euskal Etxeko euskara irakaslea izan da azken bi urteotan, 12 ikaslek osaturiko talde 'txiki baina egonkor' batekin. Ceballos bera, ahaleginarekin ikasi eta gozatu daitekeenaren froga bizia da: Mexikon euskara ikasi eta Euskal Herrian eginiko egonaldi bakarrean hobetu zuen. 'Mexikarrentzat euskara ikastea oso erakargarria da, Euskal Herriak eragin handia izan duelako gure historian eta gure kulturan. Nire ustez euskararen bidez Euskal Etxeak Mexiko eta Euskal Herriaren arteko zubi garrantzitsua eraiki dezake', esaten digu.
2007/03/08
FEVAk, Argentinako euskal erakundeen federazioak, bere buruzagitza taldearen zati bat berritzeko hauteskundeak deitu zituen, datorren asteko larunbatean, martxoaren 17an, gauza daitezen. Berritzea tokatzen den karguak bi lehendakariordetza, lau zuzendaritza batzordekide --eta kideorde-- postu, kontu ikuskariak eta hiru ohorezko epaimahaikide eta kideorde dira. Guzti horietarako zerrenda bakarra aurkeztu eta ofizialdu da, Jose Orbaiceta laplatarra eta Mariano Ayesa mardelplatatarra lehendakariorde lehena eta bigarrena postuetarako hautagaiburu dauzkana hain zuzen.
2007/03/08
Diasporako euskaldunek irakurketa entretenigarria topa dezakete abian ipini berri den 'Euskarazoak' blogean. Euskara ikasle batek ikasketa prozesuan bizi dituen arazoak eta eguneroko arrakasta txikiak kontatzen ditu bertan. Boga sistema erabiltzen du, eta bere egunkari birtualeko mezuetan hizkuntzaren inguruan sortzen zaizkion zalantzak edota gramatikako edo esaldien egiturei buruzko gaiak jorratzen ditu. Diasporako euskara ikasle askorentzat ezagunak izango diren gai, zalantza eta esperientziak.
2007/03/07
EuskalKultura.com eta BasqueHeritage.com kolaboratzaile finko baten beharrean daude Argentinan, orain arte bestela eramaten diren zenbait gairen ardura hartu eta euskal Diaspora eta kultura ukitzen dituen ekimen hau aurrera daraman taldean integra dadin. Ez da sobera gauza eskatzen baina bai taxuz lan egitea, Argentinako euskal mundua ezagutzea, modu egokian idaztea gaztelaniaz eta ahal eta egokien euskaraz, kazetari sen pixkat izatea eta lan egiteko gogoa eta ilusioa. Interesatuak, artikulu honetan apur bat aurrerago ematen den e-mail helbidera idatz dezakete.
2007/03/07
1877an sortua, zabalik segitzen duen munduko euskal etxerik zaharrena da Buenos Aires-ko Laurak Bat eta datorren asteartean ospatuko dute bertako bazkide eta lagunek urtebetetze biribil hori, esker-emate meza batekin, ikasgela berrien inauguratzearekin eta lagunarteko afari batekin hain zuzen. Horrekin batera, datorren astean bertan hasiko diren euskara eskolak ere urtebetetzeari edukia emateko beste modu bat izango dira. Ostegunak 15 ekingo zaio 'Sarrera Euskara eta Euskal Kulturaren Ikasketei' izeneko bost asteko ikastaroari, eta pixkanaka oinarrizko euskarakoari, hirugarren eta bostgarren urratsei, Boga-koei eta 'Euskal Kultura eta Identitatea' izeneko tailerrari.
PUBLIZITATEA
PUBLIZITATEA
PUBLIZITATEA
PUBLIZITATEA
PUBLIZITATEA
© 2014 - 2019 Basque Heritage Elkartea
Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus
