Caracas, Venezuela. 70 urte betetzen ari dira aste honetan, bertako Eusko Etxearen egoitza den El Paraisoko instalazio ederrak inauguratu zirenetik, hiriburu venezuelarrean. Abiatze ospakizunetan Caracaseko eta Venezuela barnealdean barreiatutako milaka euskaldunek hartu zuten parte. 1950eko martxoaren 5ean inauguratu eta ondoko ekitaldietan hitzaldiak luzatu zituzten, besteak beste, Erbesteko Eusko Jaurlaritzako lehendakari Jose Antonio Agirrek eta Jesus Galindezek. Nicanor Zabaletak harpa jo zuen, bertako Pizkunde abesbatzak kantatu eta martxoaren 12an Gernikako Arbolaren kimu bat landatu zen.
Honi buruzko informazio zehatza bidali digu Xabier Amezagak, hemen topa daitekeena.
Lagun bati bidali
Komentarioa gehitu
