Parana, Argentina. Urriaren 7an egin da aurten, hirian dagoeneko klasiko bat den Paranako Euskal Dantza eta Musika Ikuskizuna, Urrundik elkartea antolatzaile, hiriko 3 de Febrero Antzokian. Nobedadea ere bildu du aurtengo programak, Euskal Herritik etorritako gobidatuarekin, Argentinako euskal etxeetan –eta joan den irailean Mexikon– 'Desiraren Kaia' (El puerto del deseo) bere azken lan diskografikoa aurkeztera etorritako Joseba Gotzon kantariak ekitaldian kantatu baitzuen, bertako musikariek lagunduta.
Dantza alorrean, Ignacio Borrasek eta Dana Villanuevak zuzendutako 40 dantzarik honako dantzak taularatu zituzten: Makil Dantza, Bralea, Belautxingoa, Brokel Dantza, Zuberoako Maskarada, Zazpi Jauzi, Arku Dantza, Fandango eta Arin Arin. Kantuen alorrean, Joseba Gotzon aritu zen. Portugaleteko abeslariak Oscar Giles, Elisa Gigena eta Angel Giles musikari paranatarrekin jo zuen.
Jaialdiko argazki gehiago, hemen.
Lagun bati bidali
Komentarioa gehitu
