Santiago, Txile. Euskadiren Txile, Peru eta Kolonbiako Ordezkaritzak jakinarazi digu irekita dagoela Txileko Pontificia Universidad Católica-ko euskara ikastaroan izena emateko epea (ikus hemen). Datorren ikastaro hau irailaren 3an hasi eta abenduaren 12raino luzatuko da, eta asteartero izango da, 18:30etatik 19:50etara. Epe honetan hizkuntzaren oinarrizko ezagutzak eskuratu ahal izango dituzte ikasleek, Europako Hizkuntzen Markoaren A1.1 maila, alegia.
Txileko Pontificia Universidad Católica-ko euskara ikastaroa Letra Fakultateko hizkuntzen eskaintzako parte da, eta publiko orokorrari zein baita Unibertsitateko ikasle, graduatu, irakasle, enplegatu eta Unibertsitateko langileen senideei ere dago zuzenduta.
Eskolek Mireia Orbego izango dute irakasle, Euskal Herriko Unibertsitateko Itzulpengintza eta Interpretazioko lizentziadun, hizkuntzen irakaskuntzako master eta Etxepare Institutuak Txileko Unibertsitatean sustatzen duen Euskara Irakurletzaren arduraduna da bera. Informazio gehiago, C-Avila@euskadi.eus helbidera idatziz.
Lagun bati bidali
Komentarioa gehitu
