euskalkultura.eus

euskal diaspora eta kultura

Albisteak rss

Necocheako Euzko Etxeak 40 eta 90. belaunaldi arteko etxeko dantzariak bildu zituen topaketa batean

2013/04/24

Garai eta adin guztietako Necocheako dantzariak dantzan bilduta (argazkiaEE)
Garai eta adin guztietako Necocheako dantzariak dantzan bilduta (argazkiaEE)

PUBLIZITATEA

Etxeko belaunaldi guztietako dantzariak gonbidatu zituen Necocheako euskal etxeak Dantzari Ohien Jaian parte hartzera. Proposamena oso arraskatsua suertatu zen eta azken sei hamarkadetan Euzko Etxea-ko dantza taldeetako kide izan zirenak elkarretaratze hunkigarri batean bildu ziren. Festarako, gainera, arropa eta argazki erakusketa eta galdera-erantzun jolasa prestatu zituzten antolatzaileek. Topaketaren baitan, oroigarri berezi bat eskuratu zitzaien dantzari ohi guztiei. Gaua berandu arte luzatu zen erromeria giroan.

Necochea, Argentina. Batzuek esaten dute ‘dantzari ohia’ren kontzeptua ez dela egokia, "dantzari dena betirako baita dantzari". Hale ere egia da adinagatik, denbora faltagatik edota beste edozein arrazoirengatik, jendea urrundu egiten dela batzuetan dantzetatik. Jende hori berriro elkartzeko asmoz antolatu zuen Necocheako Euzko Etxeak bere Dantzari Ohien Topaketa. Jaia apirilaren 13an egin zen eta 40. hamarkadako, 50, 60, 70, 80 eta 90eko belaunaldietako instituzioko dantza taldeetako kideak bildu zituen.

Necocheako dantzari ohiak 2013 01

[Dantzariek berek ekarri zuten beste garai bateko arropa erakusketa sortzeko. Argazkietan, ordea, dantzak, dantzariak eta erromeriak ez ezik, hirian dagoeneko esistitzen ez duten eraikuntzak ere ikusi ahal izan ziren (argazkiakEE)]

Momentu hunkigarriak bizi izan zituzten festako protagonistek gauean zehar. Hasteko, Necocheako dantzariek jantzi ohi zituzten arropak –gaur egun jadanik erabiltzen ez direnak- ikusi ahal izan zituzten aretoan muntatuta zegoen erakusketan. Jantzien artean, ‘Kaskarotak’ dantzatzeko gonak, txaketa eta txamarra zaharrak eta baserritarren atorrrak jarri ziren ikusgai.

Necocheako dantzari ohiak 2013 02

[Necocheako Euzko Etxea-ko 40ko belaunaldiko dantzariak (argazkiaEE)]

Necocheako dantzari ohiak 2013 03

[Necocheako Euzko Etxea-ko 50ko belaunaldiko dantzariak (argazkiaEE)]

Arropaz aparte, beste erakusketa bat eskaini zieten antolatzaileek gonbidatuei. Argazkietan garai askotako taldeak eta euren historia islatzen ziren. Eta momentu ederrak gogora ekartzeko beste era bat ere proposatu zen Topaketan. Erantzun-galdera moduko jolas baten bidez bertan zeudenen arteko lotura areagotu egin zen. Gaueko momentu berezienetako bat oroigarriak banatu zirenean iritsi zen. Belaunaldi guztietako taldeetako ordezkariek ‘Dantzari Eguna Necochea’ esaldia brodatuta zeukan zapi bana jaso zuten.

Necocheako dantzari ohiak 2013 04

[Necocheako Euzko Etxea-ko 70ko belaunaldiko dantzariak (argazkiaEE)]

Necocheako dantzari ohiak 2013 05

[Necocheako Euzko Etxea-ko 80-90ko belaunaldiko dantzariak (argazkiaEE)]

Eta dantza egiteko aukera ere izan zuten Necocheako Euzko Etxea-ko dantzariek. Afaldu eta gero norberak bere eserlekua utzi zuen lagunekin dantzan biltzeko. ‘Fandangoa’, ‘Ezpata Dantza’ eta ‘Zuberoako Maskara’ izan ziren denen artean egin zituzten dantzetako batzuk.



« aurrekoa
hurrengoa »

Erlazionatutakoak

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia