Rock Springs, AEB. 19 urte dituen Mikaela Goikoetxea Arizonatik propio etxeratuko da emanaldirako, Arizona State University-n ari baita Musika Hezkuntza eta Espainiera ikasle. Pare bat kantu kantatuko ditu “A Night at the Opera" ekitaldian Rock Springs-ko Broadway antzokian: Benito Lertxundiren "Loretxoa" eta Claude Debussyren "Nuit d'Etoiles". Rock Springs-en bertan jaioa, Mikaela hiriko Alkartasuna Euskal Etxeko kide da, eta Martin eta Ronnie Goicoechea-ren alaba.
Mikaela Goicoechea 2017an graduatu zen Rock Springs High School-en. Orain arteko bere ibilbidean hamaika ekitaldi eta emanalditan parte hartu eta kantatu izan du. Betidanik ezagutu izan du oholtza gaineko jarduna etxean, Rock Springs-eko Martin Goicoechea bertsolariaren alaba baita, eta ama ere bertako Alkartasuna Euskal Etxeko abesbatzako kide izan eta zuzendari aritu izandakoa baita.
Opera Wyoming antolatzaile duen “A Night at the Opera” gaua honako bi erakundeak dauzka lankide: Sweetwater Board of Cooperative Educational Services eta Wyoming Arts Council.
Zorionak Mikaelari, gurasoei eta bertako euskaldunei!
Lagun bati bidali
Komentarioa gehitu
