euskalkultura.eus

Caracaseko Eusko Etxeko lehendakari berria hautatu duten Ibane Azpiritxaga gazteak bideo mezua zuzendu die bertako bazkide eta lagunei Jazoera Telebista medio. Finean eta talde berria hautatzearekin zabaldu nahi den epe berrian ahalegin partekatua egin eta Eusko Etxera hurbildu eta elkartearen eta komunitatearen geroa lantzeko deia da Ibane Azpiritxagak Zuzendaritza berriaren izenean luzatzen duena.

Caracas, Venezuela. Egoerak ez dira errazak Venezuelan Eusko Etxea bezalako erakunde batentzat eta azken urteotako pixkanakako beheraldia gainditzearren elkarrekin aritu eta Eusko Etxearen etorkizunaren alde lan egiteko deia luzatu du urtarrileko azkeneko asteburuan hautatua izan den lantalde berriko buru den Ibane Azpiritxaga gazteak.

Mezua Jazoera Telebistak grabatu eta zabaldu du, besteak beste komunikazioa eta bazkide eta lagunenganako harremana zaindu nahi baitu, guztiok lankide, Eusko Etxearekin konpromisua hartu duen Zuzendaritza berriak.

Hona laburra baina zehatza den mezua, Ibane Azpiritxagaren ahotan:

-Jazoera blog: https://jazoera.blogspot.com
-Jazoera Facebook: https://www.facebook.com/groups/1653000601594530
-Jazoera Twitter: https://twitter.com/jazoera