Mexiko Hiria, Mexiko. Urtarrileko azkeneko larunbatean, 25ean, egin du Mexikoko Euskal Etxeak bere Batzar Nagusia. Elkartearen egoitzan bildutako bazkideek Julen Ruiz de Azua lehendakaria eta bere lantaldea berretsi zituzten eta 2019ko balantzea eta ekintzen laburpena onartu. Esker oneko hitzak ere entzun ziren, batez ere EEko "Emakumeen Taldea"ren aldetik. Ruiz de Azuak aurtengo proiektuei buruz hitz egin zuen eta “gure lehentasuna orain Elkarteko bazkideen kopurua igotzea da”, adierazi zuen.
Euskal Etxeak dagoeneko abian dituen ekimenen artean, euskara klaseak, mintzaguneak eta, martxotik aurrera, sukaldaritza tailerra azpimarra daitezke. Azken hau Josu Garritzen esku (ekintzetan parte hartzeko centrovasco@prodigy.net.mx helbidean eman behar da izena).
Sukaldaritza Tailerra martxoko astearteetan izango da, 10ean hasita, goizeko 10etatik ordu 1era. Klasez klase, hauek izango dira menuak: martxoaren 10ean, barazki menestra; 17an, marmitakoa; 24an, pistoa bizkaitar erara; eta 31an mota askotako pintxoak.
Lagun bati bidali
Komentarioa gehitu
