euskalkultura.eus

Mosku, Errusia. Lucia Lacarra dantzari zumaiarrak esker ona agertu du 'Hamarkadako dantzaria' saria jaso zuenean joan den igandean Moskuko Kremlin jauregian.

Saria jaso aurretik Lacarrak XX. Mendeko Izarren Galan emanaldia eskaini zuen, 'Presoa' eta 'Thais' lanak dantzatuz. Marlon Dino, Munikeko Operako Balleteko kidea, izan zen bere partenaire-a emanaldian.

Gala ostean zumaiarrak saria eta larruzko beroki bat jaso zituen.

Lacarrak saria 'Moskuko Kremlineko taulagainean eta 6.000 lagunen aurrean' jasotzea oso hunkigarria izan zela azaldu du, 'urte hauetako lanaren ordaina delako'.

Hala ere garrantzitsuena 'hamarkada honetan zehar ikusleek, nire emanaldien bitartez transmititu nahi izan dizkiedan emozioak jaso eta gogoratzen dituztela' jakitea dela azpimarratu du.