euskalkultura.eus

Honetarako bereizi den diru-kopuruak, Asier Vallejo Itsaso, Kanpoan den Euskal Komunitatearentzako zuzendariak azaldu izan duenez, ez du aldaketa edo jaitsierarik izan, laguntza lerro honi eustea Zuzendaritzak hasieratik markatutako lehentasunen artean baitago. Aurtengoa deialdiak, iazko biek bezala, 202.000 euro banatuko ditu.

Deialdian atzerrian dauden eusal gizataldeetako partaideak har dezakete parte, eskaera hurbilen daukaten euskal etxearen bitartez eginda. Ebazpenak dioenez, eskaera egin nahi duten pertsonak, euskal etxe bateko bazkide badira, euren euskal etxe horretara jo dezakete eskaera bideratzeko, eta ez badira, hurbilen daukaten euskal etxera edo euren inguruko euskal etxeetako batera edo, halakorik ez balitz, bizi diren herrialdeko euskal etxeetako batera.

Eskabideak aurkezteko epea galdegile edo bitartekari diren euskal etxeentzat hilabetekoa izango da bihartik aurrera kontatzen hasita.

-Hona deialdia huletinean euskaraz, eskaera orria barne, hemen
-Hona deialdia bere bertsio elebidunean, euskaraz eta gaztelaniaz