Montreal, Québec. Ibone Bengoetxea lehen lehendakariordea Montrealen da aste honetan, parte hartzen hiriburu quebectarrean maiatzaren 22tik 24ra egingo den Frankofoniaren bosgarren Konferentzian. Bengoetxea, Etxepare Euskal Institutuaren “Ça colle au basque” (ez zait euskalduna burutik kentzen, edo) programa besapean heldu da, Euskadi, bere hizkuntza, kultura-eta herrialde frankofonoetan duten presentzia sustatu eta areagotzeko asmoz. Izan ere, 321 milioi pertsonek osatzen dute frankofonia gisa ezagutzen dugun hizkuntzen, kulturen eta identitateen mosaikoa, frantsesa hizkuntza komun gisa darabilena.
Quebec-era abiatu aurretik egindako prentsaurrean, Bengoetxea lehen lehendakariorde eta Kultura eta Hizkuntza Politikako sailbuak gogoratu zuen Euskadik Quebec eta frankofoniarekiko daraman jarduera-ildo eta apustu indartsua, eta Euskadik eta Quebecek 2017an sinatu zuten hitzarmen-akordioa, bi lurraldeen arteko kultura, hezkuntza, ekonomia eta zientzia-loturak sendotzeko aldebiko lankidetzarako esparru bat ezartzen duena.
Montrealeko Nazioarteko Biltzar honetan frantses hiztunen munduko kultur eta sormen industriei lotutako funtsezko gaiak jorratuko dira, hala nola, kultur industriak hazkunde ekonomikoaren eta gizarte kohesioaren eragile gisa, kultura ingurune digitalean eta kultura-trukeak.
- "Ça colle au basque" programaren aurkezpena joan den martxoan’, Euskadiren eta frantses hiztunen lurraldeetako erakunde, unibertsitate, enpresa eta kultur eragileen arteko lankidetza aktiboa sustatzea xede
Lagun bati bidali
Komentarioa gehitu
