Montclair, AEB. Kalifornia hegoaldeko Los Angelesealdean, Montclair hiriak alkate berria du, Javier 'John' Dutrey-k karguratzeko zin-egitea bururatu ondoren. 40.000 bat biztanle dituen hiri honetako kontseilukide zen orain arte, aita, Jean Dutrey, Mendibeko baxenabartarra eta ama, Maria Teresa edo Maritxu (Iribarren) Dutrey, Arizkungo nafarra dituen hautetsiak, 1964an Kaliforniara emigratuak.
Chinoko Euskal Etxeko kide eta pertsona ezaguna da Javier Chinoaldeko euskal komunitatean. Zenbait aldiz izana da oporretan Euskal Herrian eta euskal komunitateak ilusioz jaso zuen euskal lagun bat inguru herrietako bateko alkate hautatu izana, lau urteko iraupena duen tokiko kargu honetan.
Zorionak orain ere berari, bertako herriari, eta bere guraso, emazte, familia eta lagunei.
Lagun bati bidali
Komentarioa gehitu
