Gooding, Idaho, AEB. Gooding-eko Euskal Etxearen egoitza Idahoko 'Kapitolioa' edo gobernadorearen egoitza bilakatuko da datorren asteko ostiralean, martxoaren 17an, Brad Little gobernadoreak hala erabakita. Izan ere, egun horretan gobernadorearen bulegoak antolatzen duen Capital for a Day (egun batez hiriburu) ekimenaren baitan, gobernadorea eta bere kabinetea Gooding-eta aldatuko dira eta bertan, Euskal Etxearen egoitzan, errezibituko dituzte herritarrak, euren kezkak entzun eta galderei erantzunez, goizeko 10etatik arratsaldeko hirurak arte.
Gobernadoreak eta bere kabinete eta bulegoko goi-karguek Gooding-eko euskal egoitza dotore eta zabala —lorategi berdeduna eta Gernikako Arbolaren kimu bat bertan hazten— hartuko dute egun horretan koartel nagusi eta harreragunetzat, hiriko Euskadi Lane 285 helbidean. Hona bere kokaleku zehatza Google Maps-en:
"Capital for a Day aukera bikaina da niretzat eta nire administrazioarentzat Idahoko biztanleei beren komunitatearen beharrei buruz entzuteko. Ohore bat da tradizio hau Gooding-eko jende onarekin partekatzea, eta eurekin ikastea nola zerbitzatu ditzakegun hobeto", adierazi du Brad Little-k bere webgune ofizialean.
Lagun bati bidali
Komentarioa gehitu
