euskalkultura.eus

euskal diaspora eta kultura

Albisteak rss

Gaurtik martxoaren 31era arte, dantza, antzerkia, musika eta zinema euskaraz Ibos (Tarbe) eta Bagnères de Bigorre-n

2023/03/24

Black is beltza II: Ainhoa, zineman; eta Hondamendia antzerkian dira gaurtik 'Walk on the Basque side' ekimenean ikusiko diren lanetako bi
Black is beltza II: Ainhoa, zineman; eta Hondamendia antzerkian dira gaurtik 'Walk on the Basque side' ekimenean ikusiko diren lanetako bi

PUBLIZITATEA

Tarbe, Frantzia. Le Parvis Scène Nationale Tarbes Pyrenees kultur zentroak euskal kulturaren eta euskararen aldeko apustua egin du, Etxepare Euskal Institutuarekin elkarlanean Walk on the Basque side jaialdia antolaturik martxoaren 24tik 31ra. Izan ere Tarben —Pauetik errepidez 46 bat kilometro eki-hegoaldera— kokatua den frantses zentro hau euskarazko dantzaren, antzerkiaren, musikaren eta zinemaren erakusleiho bilakatuko da egunotan, Ibos (Tarbe) eta Bagnères de Bigorre udalerrietan.

Dantza, musika eta antzerki emanaldiak, martxoaren 28tik 31ra bitartean izango dira:

Martxoak 28, asteartea
-20:30ean Tarbeko Le Parvis kultura zentroan: ‘Gernika’ (Martin Harriague eta Bilaka Kolektiboa).

Martxoak 30, osteguna
-20:30ean Tarbeko Le Parvis kultura zentroan: ‘Hondamendia’ (Axut! eta Artedrama kolektiboak).

Martxoak 31, ostirala
-17:00etan Bagnères-de-Bigorreko L´alamzic aretoan: ‘Dantzan Bilaka’ (Orbel eta Lumi).

Jaialdiak zinemari ere egingo dio lekua, 'Walk on the Basque side' testuinguru Cinéma Parvis Méridien aretoan egingo den euskal zinema zikloan. Bertan azken urteotako zenbait titulu eskainiko dituzte, esan nahi baita ‘Dantza’ (2018, Telmo Esnal), ‘Amama’ (2015, Asier Altuna,) eta ‘Handia’ (2017, Jon Garaño y Aitor Arregi). Sarrerak eros daitezke eta programazioa osorik ikusi aretoko webgunean.

Gaur gauean, ‘Soirée Basque’

Baina gaur ostiral gauean, Martxoaren 24an, ‘Soirée Basque’ (Euskal Gaua) ekitaldia antolatu dute. 19:00etan ‘Black is Beltza’ (2019, Fermin Muguruza) filma emango dute. Ondoren, 20:30etan, ‘Buffet basque’ deitu duten buffeta eskainiko dute; eta ekitaldia bukatzeko, ‘Black is Beltza II: Ainhoa’ (2022, Fermin Muguruza) filma proiektatuko da,  21:30ean. Ekitaldira bertaratzeko, ezinbestekoa da izena ematea laura.ortuso@parvis.net helbidean.

Jaialdirako sarrerak webgunean eskura daitezke, eta hainbat emanalditarako sarrerak eskuratzeko eskaintza bereziak daude eskuragarri. Programazioa osorik bertako webgunean kontsulta daiteke.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia