Gdynia, Polonia. Nazioarteko Migrazio Erakundeen Elkartea den AEMI aste honetako asteazkenetik larunbatera Poloniako Gdynia hirian egiten ari den Bilkuran bi euskal solasaldi biltzen ditu gaurko egitarauak. Eusko Jaurlaritzako Kanpoan den Euskal Komunitateen Zuzendaritzatik, 'An unusual regulation to open borders to Basque refugees' (Euskal errefuxiatuei mugak irekitzeko ezohiko araudi bat) izenburupean aritu dira gaur goizean Itziar Arrazola eta Izaskun Querejeta. Bestetik, Imanol Galdos ere hizlari aritu da, ‘The importance of preserving minority languages in the era of globalization. Inclusive and cohesive societies’ (Hizkuntza minorizatuak zaintzearen garrantzia globalizazioaren garaian. Gizarte inklusibo eta Kohesiboak) izenburupean.
AEMIren 28. Bilkura urriaren 3tik 6ra 'Challenges of contemporary migration' (migrazio garaikidearen erronkak) izenburupean ari da egiten Poloniatik ateratako migrazioaren erreferentzia portua den Gdynia hirian. Gdynia emigrazioari eskainitako museo ikusgarria dauka, AEMIren Bilkuran parte hartu duten lagunek aste honetan bisitatu dutena.
21 herrialdetako aurkezpenak daude aurreikusita Bilkuran, 50 bat hizlarirekin.
Itziar Arrazola eta Izaskun Querejetarekin batera, Benan Oregi teknikariak osatzen du AEMIko kide den Eusko Jaurlaritzak Dgynia-ra bidali duen ordezkaritza.
Egitarau osoa, hemen
Lagun bati bidali
Komentarioa gehitu
