euskalkultura.eus

euskal diaspora eta kultura

Albisteak rss

Euskara eta euskal kultura nazioartean sustatu eta zabaltzen lan egin nahi? Etxepare Euskal Institutuak aukera ematen dizu

2020/10/30

Tabakalera eraikina Donostian, bere baitan dauka egoitza Etxepare Euskal Institutuak
Tabakalera eraikina Donostian, bere baitan dauka egoitza Etxepare Euskal Institutuak

PUBLIZITATEA

Donostia-San Sebastian. Etxepare Euskal Institutuak deialdia plazaratu du komunikazio teknikari laguntzaile bila. Hautagaitzak aurkezteko epea abenduaren 4an bukatuko da eta sei hilabeteko praktiketako lan-kontratua eskaintzen da, gehienez ere 2 urtera arte luzatzeko aukerarekin. Komunikazio unibertsitateko gradua eskatzen da eta euskara eta gaztelania menperatzea, baita ingeleseko maila altua ere, sare sozialetan eroso mugitzeko gaitasunarekin. 2021eko urtarrilean hasteko.

Deskribapena

Euskara, euskal kultura eta euskal sortzaileen lana nazioartean sustatu eta ezagutarazten lan egin nahi duzu? Idaztea eta edukiak sortzea gustuko baduzu, eta kulturzalea bazara hauxe duzu aukera. Donostiako Tabakaleran kokatuta dagoen Etxepare Euskal Institutuan egingo duzu lan, ingurune dinamiko eta kreatiboan, eta  zure komunikazio-lanerako trebetasuna garatzeko aukera izango duzu.

Funtzioak

  • Euskara eta euskal kulturarekin zerikusia duten edukiak idatzi, zuzendu eta itzuli.
  • Webgunerako eta buletinerako testu eta edukien plangintza egin, eta eduki horiek sortu eta argitaratu.
  • Prentsa oharrak idatzi eta prentsaurrekoak antolatu.
  • Institutuak komunikabideetan izandako agerpenen jarraipena egin.
  • Sare sozialak kudeatu.
  • Diseinu lanak kudeatu.
  • Marka eta komunikazio proiektuetan parte hartu

Baldintzak

  • Titulazioa: komunikazioan unibertsitateko gradu, lizentzia edo masterra. Titulazio horrek hautagaitza aurkezten den unetik gehienez ere 5 urte lehenago eskuratutakoa izan beharko du.
  • Euskara eta gaztelania maila bikaina (gutxienez EGA).
  • Ingeles maila altua (C1mailaren parekoa).
  • Euskaraz eta gaztelaniaz testu idatziak sortzeko gaitasun handia.
  • Sare sozialetan eroso mugitzeko gaitasuna.
  • Proaktibotasuna, azkar ikasteko gaitasuna eta ardurak hartzeko gogoa.
  • Antzeko funtzioetan eskarmentua kontuan hartuko da.
  • Diseinu grafiko eta bideo edizio ezagutzak kontuan hartuko dira.

Eskaintza

  • 30 ordu astean (9:00 – 15:00).
  • 6 hilabeteko praktiketako lan-kontratua, gehienez ere 2 urtera arte luzatzeko aukerarekin.
  • Soldata 21.000 euro gordin urtean.
  • 2021eko urtarrilean hasteko.

Hautagaitzak bidali abenduaren 4a baino lehen etxepare@etxepare.eus helbidera.



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia