Reno, Nevada, AEB. Renoko Rancho San Rafael Parkeak oinezko euskal ibilbide kultural eta historiko bat antolatuko du datorren ostiralean, maiatzaren 13an, gidari eta azalpen-emaileak luxuzko bi izen ospetsu izango direla: William A. Douglass eta Carmelo Urza, biak bertako euskal historiari buruzko egile ezagunak eta, izan ere, Nestor Basterretxeak honako egin zuen eta ibilaldi honen helmuga izango den Euskal Artzainaren Monumentua eraikitzeko prozesuko lekuko eta laguntzaile izandakoak.
Hiru kilometro pasatxoko ibilbidea May Museoko aparkalekutik abiatuko da, eta Nevada iparralderako euskal presentzia eta ekarpenari buruzko azalpen-taulak bisitatuko ditu, baita euskal artzainek erabilitako karrokanpoa eta kanpamentua, eta mendiletatik ekarri eta hemen birkokatu zen ogia egiteko labea, Estatu Batuetako mendebalde osoko ardi-industrian euskal emigratzaileen presentzia garrantzitsuaren ezagutza zaindu eta zabaltzeko lekukotza eta modu gisa.
- Xehetasun gehiago eta izen-ematea, hemen
Lagun bati bidali
Komentarioa gehitu
