HIru euskara eta euskal kultura irakurle hautatzeko deialdia egin du Etxepare Euskal Institutuak, eta urtarrilaren 4a arte irekita dago hautagaitzak aurkezteko epea. Irakurle bat Txilen arituko da irakasle, lau unibertsitatetan klaseak emanez (Universidad de Chile, Pontificia Universidad Católica de Chile, Universidad de Valparaíso eta Pontificia Universidad Católica de Valparaíso); bigarrena, AEBetan, Chicagoko Unibertsitatean; eta hirugarrena, Japonian, Tokyo University of Foreign Studies (TUFS) delakoan.
Donostia-San Sebastián. Etxepare Euskal Institutak abian jarri du hiru euskara eta euskal kultura irakurle hautatzeko deialdia, Txile, AEB eta Japoniarako. Hautagaiek bete beharreko baldintzen artean hauek: graduko titulua (edo lizentzia) eta euskarako C1 titulua egiaztatuta izatea. Hautagaitzak urtarrilaren 4a arte aurkeztu daitezke, deialdiaren eranskinetako dokumentazioa betez.
Deialdi honen baitan kurtso akademiko bakoitzerako honako zuzkidurak izango dituzte hiru postuek: Txileko lau unibertsitateetako klaseak zein Tokioko klaseak, 30.868 €; eta Chicagoko postuak, aldiz, 33.696 $. Kontuan izan zuzkidura hau ez dela irakurlearen soldata bakarrik, kasu batzuetan irakurletzaren sustapen gastu batzuk ere horren baitan daudelako.
Deialdia eta hautagaitzak aurkezteko dokumentazioa, hemen.
Lagun bati bidali
Komentarioa gehitu
