euskalkultura.eus

euskal diaspora eta kultura

Albisteak rss

Complutense Unibertsitateko ikasle guztiek lor ditzateke euskara kredituak: Josu Bergararen kantaldi batekin ospatuko dute gaur

2017/09/14

Josu Bergara kantari eatarrak kontzertua eskainiko du gaur Madrilen
Josu Bergara kantari eatarrak kontzertua eskainiko du gaur Madrilen

PUBLIZITATEA

Josu Bergara kantari eatarrak emanaldia eskainiko du gaur Madrilgo Complutense Unibertsitatean (UCM) eta bertan bere azkeneko lana, "Kanta txikien indarra", aurkeztuko die bertaratzen diren euskaltzale eta musikazaleei. Ekitaldia unibertsitate madrildarreko Taupaka elkarteak antolatu du eta ospakizun berezia ere izango da, bildutakoek euskara ikasten duten UCMko ikasle guztiek aurrerantzean kredituak lortuko dituztela ospatuko baitute.

Madril, Espainia. Berri onak oraingoan Madrildik, hiriko Universidad Complutense-n euskara ikasten duten ikasle guztiek kredituak lortuko baitituzte euren klaseengatik. Halaxe baieztatu dio EuskalKultura.com-i bertako irakasle eta euskara erreferente den Karlos Cid Abasolok.

Izan ere, Taupaka Elkartea antolatzaile, kontzertua egingo da gaur osteguna Madrilen, 19:00etan, Josu Bergara kantari eatarraren eskutik, Mikel Núñez pianojotzailea lagun duela, Universidad Complutensen (Filologia Fakultateko A eraikineko Gradu-Aretoan), eta UCMko eta Madrilgo euskaltzaleek oro har aukera ezinhobe hori baliatuko dute musika doinuz janzteko euren poza aurtengo ikasturtetik aurrera UCMen euskara ikasten duten ikasleek euren eskolak kredituak lortuta hartu ahal izanaren neurria.

Josuk bere azken diskoa aurkeztuko du ("Kanta txikien indarra") eta han berta ezarriko da salgai, nahi duenak eskura dezan.

Zorionak, beraz, kontzertuagatik eta bereziki euskararen irakaskuntzaren mesedetan lortutako neurri honengatik!

-Informazio gehiago: https://karlosabasolo.wixsite.com/misitio-1
-Josu Bergara Facebook: https://www.facebook.com/josubergaramusika
-Josu Bergararen webgunea: www.josubergara.eus



« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia