euskalkultura.eus

Albisteak

Azken orduko oharra: Ibarretxe lehendakariak bertan behera utzi du Mexikora egin behar zuen bidaia

2007/03/07

Zergatiak ez dira oraindik eman aditzera, eta informazio hau idazteko tenorean --goizaldeko bostak, Euskal Herriko ordua-- ez dago Eusko Jaurlaritzan iturririk egoeraren xehetasunak baieztatzeko, baina Mexikoko Euskal Etxeak premiazko ohar batean kaleratu duenez, Juan Jose Ibarretxe lehendakariak Mexikora, Mexiko hiriburuko Euskal Etxearen Mendeurreta zela-eta, egin behar zuen bidaia bertan behera gelditu da. Horrekin batera, baita ere larunbat honetako plaka 'desestaltze' ekitaldia. Ez, ordea, Mendeurrenaren gainerako hitzorduak.

Mexikoko Euskal Etxeak prestatutako oharrak besterik erantsi gabe dioenez, 'Mexikoko Euskal Etxeak jakitera ematen die bere bazkide eta lagunei geure borondatearekin zerikusirik ez daukaten arrazoiak medio, bertan behera uzten dela Juan Jose Ibarretxe lehendakariak Mexikora egin behar zuen bidaia, beraz larunbatean, martxoaren 10ean, egitarautua zegoen ekitaldia ez da gertatuko'.

Testu berbera topa daiteke Euskal Etxearen webgunean. Hala ere, Jaione Arrieta Galarragak zuzentzen duen VascosMexico.com webgune eta euskalmexikarren elkarguneak argitu egiten du, lehendakariak parte hartu behar zuen datorren larunbateko ekitaldia bai utzi dela bertan behera, baina gainerakoak bere horretan segituko dutela. Badirudi martxoaren 14, 16 eta 18ko ekitaldiek berdin-berdin segituko dutela, beraz.


Lotura interesgarriak

Mexikoko Euskal Etxearen webgunea
www.centrovascomexico

Vascosmexico.com: euskalmexikarren solasgune eta albistegia
www.vascosmexico.com

---

---

Irakurrienak

• 2024/04/12
  Pintxo Gaua Chivilcoyn Amalur sukaldaritza taldearen eskutik, baita euskara eta helduentzako dantza eskolak ere
• 2024/04/09
  Alfonso Mendiburu - Francisco Martínez bikote txiletarra txapeldun La Platan Mercomus 2024ko Mus Txapelketan
• 2024/04/11
  Bilera batera deitu dute Boisen Euskal Etxean, musikari bila Euskal Herriko moduko txaranga bat sortzearren
• 2024/04/10
  FEVAk Batzar Orokorra egingo du Asier Iriberri zerrenda bakarreko buru dela eta Arantxa Anitua lehendakariorde
• 2024/04/11
  Batzordea berrituta, Cañuelaseko Denak Batek larunbatean ospatuko du Aberri Eguneko Koru eta Dantzarien Topaketa

Azken komentarioak