euskalkultura.eus

euskal diaspora eta kultura

Albisteak rss

Astelehenean, Txistua ikasteko bigarren doaniko online saioa, Cordobatik Gerorak emana: garaiz zaude izena emateko

2021/06/18

Argentinako Cordobako Gerora euskal elkarteko 'Haizea eta Lurra' musika taldeko kideek irakasten dute ikastaroa
Argentinako Cordobako Gerora euskal elkarteko 'Haizea eta Lurra' musika taldeko kideek irakasten dute ikastaroa

PUBLIZITATEA

Cordoba, Argentina. Garaiz zaude apuntatzeko, joan den asteleheneko lehenengo saioan parte hartu ez bazenuen ere. Izena emateko aski da emailez eskatzea geroracordoba@gmail.com helbidera. Irakasle dira Fernando Zabalza, Noé Fernández eta Santiago Chamorro, Cordobako 'Gerora' euskal elkarteko 'Lurra eta Haizea' musika taldeko hiru musikari gazte bezain aditu eta ekimentsuak. Hemen irakur ditzakezu ikastaroko programa eta argibideak. Ez da aldez aurretiko ezagutzarik eskatzen.

Lehenengo saiorako 21 pertsonek eman zuten izena, aniztasuna ezaugarri, tartean baitzeuden "txistua ikasi nahi duten euskal etxeetako kideak, instrumentuarekin interesatuta dauden musikari profesionalak, musika ez dakiten baina txistuaren historia eta erabiilera ezagutu nahi duten pertsonak... Emakumeak eta gizonak, ia parean, emakume gehixeago seguruenik", azaldu dio EuskalKultura.eus-i Santiago Chamorrok, parte-hartzaileen profilari buruz galdetuta.

Adin aldetik ere, adin guztietakoak. Eta geografikoki, argentinarrak gehienak, hala nola Cordoba, Tandil, Azul, Cañuelas, Capital Federal, Rosario, Bahia Blanca, Misiones eta La Matanza-koak, baina baita ere Uruguai eta Kolonbiakoak.

Idatzi oraintxe geroracordoba@gmail.com helbidera eta jarraibideak bidaliko dizkizute.

Baina ez geroratu gehiegi, hurrengo saioa datorren astelehenean baita, ekainaren 21ean, eta ondokoa eta azkena ekainaren 28an, beti ere 20:00etatik 21:30etara.



Komentarioak

  • Aukera ederra

    Oso aukera ederra da benetan. Eskerrik asko zabaltzeagatik!

    Itsaso Erdozain (Iruñea), 2021/06/19 09:58

« aurrekoa
hurrengoa »

PUBLIZITATEA

PUBLIZITATEA

PUBLIZITATEA

PUBLIZITATEA

PUBLIZITATEA

Irakurrienak

Azken komentarioak

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.com

jaurlaritza gipuzkoa bizkaia