euskalkultura.eus

Buenos Aires, Argentina. Europarik Argentinara etorritako euskal-bearnesen diaspora gaietan aditu diren irakasle eta ikertzaileek, lan esparru duten honetan dauden zenbait hutsune hartuko dituzte hizpide datozen ostegun eta ostiralean, urriaren 20 eta 21ean, Bearnoko hiriburuan, Paueko Unibertsitatean.

Ezagunak dira Pirinioetako hego-mendebaldetik Argentinarako migrazio prozesuak, besteak beste Alejo Peyret, Alberto Larroque eta  Carlos-Tomás Sourigues bezalako pertsonaiei buruz egindako lanei esker. Hala ere, oraindik badago hamaika gauza ikertzeke. Mintegian aurkeztuko diren ikerketa lanek XIX. mendeko erdialdetik 1930. urtea bitartean gertatutako gaiak azalduko dituzte. Garai horretan, eta tarte horretako pertsonaia eta gaietan sakontzea, hain zuzen, du helburu Paueko Unibertsitateko ITEM laborategiak antolatutako mintegiak.

“Berriz ikertzeko eta landu beharreko hainbat puntu geratzen dira norbanako ibilbideez eta , batez ere, azaltzeke eta argitzeke  daude beste hamaika migrazio-bideratze. Eliteen migrazio honetan ogibide askotako jendeak sartzen dira, tartean intelektual, sendagile, zientzialari edota elizgizonak, baina baita beste elite taldeak ere, hala nola goi-artisauak edo emaginak, eta hauei buruz ezer gutxi ezagutzen da eta, beraz, lan handia behar da egin hor sakontzeko", diote jardunaldiotako antolatzaileek.

Kari horretara, hiru puntu hauek gailenduko dira aurkeztuko diren lanetan:

- Bakarkako ibilbideak eta migrazio sareak
- Elite euskal-bearnotarrek Argentinako bizitza politika, kultural eta ekonomikoari egindako ekarpena;
- Begirada gurutzatuak: Nola ikusten zuten argentinarrek euskal-bearnesen etorrera? Izan zuten bertakoek jarrera berezia etorkin hauekiko? Nola ikusten zuten helduberriek, jaso zituen gizartea?