euskalkultura.eus

euskal diaspora eta kultura

Albisteak rss

36ko Gerran hildako Araba, Bizkai eta Gipuzkoako 21.000 herritarren datuak online kontsultagai Gogoraren webgunean

2021/02/09

Online kontsultagai Gogogora Institutuaren webgunean 36ko gerraren ondorioz hildako 21.000 herritar hauen datuak
Online kontsultagai Gogogora Institutuaren webgunean 36ko gerraren ondorioz hildako 21.000 herritar hauen datuak

PUBLIZITATEA

Bilbo, Bizkaia. Kultsultagai dago dagoeneko Gogora Institutuaren webgunean Gerra Zibilean hildako biktimen datu-basea. Berau gerra zibilean eta lehen frankismoan (1936-1945) Euskadin hildako biktimei buruzko eta gerraren ondorioz Euskaditik kanpo hil ziren euskal herritarrei buruzko ikerketaren ondorio da. Gaur egun, 20.970 hildakoren fitxak jasotzen ditu: 19.962 gizon, 977 emakume eta 31 hildakoren kasuetan ezin da generoa zehaztu.

Atzo Bilbon Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburuak, José Antonio Rodríguez Ranz Giza Eskubide, Memoria eta Lankidetzako sailburuordearekin eta Aintzane Ezenarro Gogora Memoriaren, Bizikidetzaren eta Giza Eskubideen Institutuko zuzendariarekin batera aurkeztutako lan hau, Gogorak 2019an plazaratutako "Euskadin gerra zibilean hildako biktimak" paperezko txostenaren online bertsioa da.

Datuek erakusten dute gaur egun oraindik ez dela ezagutzen 7.795 hildako non dauden lurperatuta, izan ere 1.500 pertsona inguruk gerran hildako edo desagertutako familiartekoaren inguruko informazioa eskatu dute.

-Zuzenean kontsulta egiteko



« aurrekoa
hurrengoa »

© 2014 - 2019 Basque Heritage Elkartea

Bera Bera 73
20009 Donostia / San Sebastián
Tel: (+34) 943 316170
Email: info@euskalkultura.eus

jaurlaritza gipuzkoa bizkaia