Astelehen honetan, ekainaren 21ean (jai da Chivilcoyn) bertako Beti Aurrera Euskal Etxeak antolatuta, festa ekitaldi bat izango da herriko gaztetxo eta familientzat, San Juan Sua eta Solstizioaren gau hau (udakoa Europan, negukoa Argentinan) euskal testuinguruan ospatuta. Arratsaldeko hiruretatik aurrera, Euskal Etxean (Palemon Huergo, 71).
Sua piztu artean ikuskizunak, euskal dantzak, tango eta musika eta kantu argentinarra izango dira.
Gaztetxoentzako jolasak eta euskal jokoak, sokatira lehieketa tartean. Taberna zabalik egongo da eta jateko zein edatekoak eskuragarri izango dira.
Iñaki (8 metro luzeko panpina) eta Sorgina erreko dira, eta eurekin, paperetan idatzita, bertan daudenek idatzi eta surtara bita nahi izan dituzten gauza eta egoera txarrak.
Chivilcoyko Beti Aurrera Euskal Etxearen bloga
http://centrovascochivilcoy.blogspot.com
Lagun bati bidali
Komentarioa gehitu
